Të premten e 27 majit, në veri të Mitrovicës një rast tragjik ka ndodhur në orët e mëngjesit, ku një person vrau babanë dhe vëllanë, ndërsa i dyshuari me vendim të prokurorit të shtetit është ndalur për 48 orë.
Prokuroria Themelore në Mitrovicë, ka bërë të ditur se rasti kishte ndodhur rreth orës 5:00 – 5:30 të mëngjesit në banesë, në rrugën “Krajl Petri”, në Mitrovicë – Veri.
Në njoftim sqarohet se i dyshuari M.B., për motive akoma të panjohura ka privuar nga jeta babanë e tij M.B, gjithashtu vëllanë binjak U.B dhe më këtë i dyshuari ka kryer veprën penale “Vrasje e Rëndë”.
“Në bazë të hetimeve të para dyshohet se viktimat janë goditur në trup me thikë”, thuhet në njoftim.
Aktualisht, në vendin e ngjarjes thuhet se kanë dalur policia dhe prokurori kujdestar i Departamentit për Krime të Rënda i Prokurorisë Themelore në Mitrovicë, dhe me urdhër të prokurorit trupat e pajetë janë dërguar për autopsi në Institutin e Mjekësisë Ligjore në Prishtinë.
I dyshuari është arrestuar nga policia, dhe me vendim të prokurorit të shtetit është ndaluar për 48 orë, dhe ndaj të njëjtit brenda afatit ligjor do të paraqitet kërkesë për caktimin e masës së paraburgimit pranë Gjykatës Themelore në Mitrovicë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Kushtëzimi i BE-së për normalizim të raporteve me Kosovën, “s’mund ta shtyjë” Serbinë ta zbatojë Marrëveshjen Bazë
-
Si arriti Vjosa Osmani t’i fusë 4 gratë e përdhunuara gjatë luftës në Këshillin e Sigurimit përballë Vuçiç
-
Kush është shefi kur bëhet fjalë për mbrojtjen: NATO apo BE?
-
‘Marifeti’ i Bardhit ndaj Olsi Ramës – Prova pa kallëzim, për të shmangur procesin për shpifje
