Me 2 qershor, një person është gjetur pa shenja jete në një veturë në lagjen “Emshir” në Prishtinë.
Në një përgjigje me shkrim për Albanian Post zëdhënësja e Prokurorisë Themelore në Prishtinë, Laureta Ulaj ka bërë të ditur se ky rast është cilësuar “hetim mbi vdekjen”.
“Ju njoftojmë se prokurorja kujdestare nga Departamenti i Krimeve të Renda i është përgjigjur vendit të ngjarjes bashkë me njësitë e tjera relevante”.
“Ekipi mjekësor ka konstatuar vdekjen e një personi. Me urdhër të prokurores trupi i pa jetë është dërguar në IML për obduksion, derisa rasti është cilësuar ‘hetim mbi vdekjen’”, ka thënë ajo për Albanian Post.
Ulaj, ka shtuar se në koordinim me policinë janë duke u ndërmarrë të gjitha veprimet hetimore me qëllim të sqarimit të plotë të rrethanave të këtij rasti.
Agron Borovci, zëdhënës i policisë për rajonin e Prishtinës, kishte thënë për Albanian Post se informatën për gjetjen e një trupi të pajetë e kanë marrë rreth orës 12:00, këtë të enjte.
“Policia menjëherë ka dalë në vendin e ngjarjes si dhe mjekët emergjent të cilët kanë konstatuar vdekjen e viktimës, mashkull, rreth 50 vjeç”.
Siç ka treguar Borovci, “në informacionet e para” ka “elemente që sugjerojnë për vetëvrasje”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Dezinformimi dhe ndërhyrjet e huaja, Çuçi kërkesë Nikollës: Të krijohet një Komision i Posaçëm
-
Putini më i fortë se SHBA-të, kur flitet për shkëmbimin e të burgosurve
-
Gjilan: Afaristi u gjet i vdekur në bodrumin e banesës, kishte mbi 80 mijë franga me vete