Prokuroria e Durrësit më 16 mars ka akuzuar 21 persona, që dyshohen se kanë manipuluar 53 vota në zgjedhjet e përgjithshme 2017 në Durrës, Shqipëri.
Ky vendim shënon përfundimin e hetimeve në një nga dy rastet më të diskutueshme të manipulimit të votave të dyshuara në Shqipëri, të cilat kanë shënjuar peizazhin politik në dy vitet e fundit.
Hetimet për çështjen tjetër në Dibër përfunduan disa muaj më parë, duke rezultuar në akuza të vogla kundër katër zyrtarëve të rangut të ulët lokal.
Skandali i ashtuquajtur shqiptar “Electiongate” erdhi në vëmendjen e publikut pas përgjimeve të prokurorisë, botuar nga e përditshmja gjermane BILD.
Kryebashkiaku i Durrësit, Vangjush Dako, ishte figura më e shquar politike e angazhuar në biseda me bosët e krimit në Durrës, ndërsa kryeministri Edi Rama u shfaq në përgjime, duke diskutuar rezultatet e pritura me një zyrtar lokal të administratës publike në Dibër.
Të martën, prokuroria njoftoi se ka mbyllur hetimet në çështjen e Durrësit dhe ngriti akuza kundër 21 personave për votim ose lejimin e hedhjes së 53 votave në mënyrë të paligjshme.
Dy persona po përballen me akuza për votim të paligjshëm, ndërsa pjesa tjetër përfshin të gjithë administratën e dy qendrave të votimit, ku 53 vota dyshohet se janë hedhur në mënyrë të paligjshme, në emër të njerëzve që nuk ishin në Shqipëri në atë kohë.
Mbyllja e hetimeve vjen rreth një muaj përpara zgjedhjeve të përgjithshme në vend.
Ndjekja penale e akuzave për manipulim të votave në zgjedhjet 2016 dhe 2017 është një nga kushtet për Shqipërinë, për të filluar bisedimet e pranimit në BE, të theksuara në një raport të Parlamentit Evropian këtë muaj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Tregtarët e Belshit sërish në protestë për zhvendosjen e tregut, Bashkia: Zhvillimi i tregtisë aty ishte burim aksidentesh
-
Rama kërkon 20 milionë turistë vjetorë brenda 2030-ës, premton pagat më të mira në rajon për industrinë
-
Bardhi dhe Gjekmarkaj braktisin mbledhjen e Konferencës së Kryetarëve
-
Balla: 900 mijë pasagjerë më shumë në Rinas se vitin e kaluar, shtojmë 100 efektivë
Lajmet kryesore
-
Rama kërkon 20 milionë turistë vjetorë brenda 2030-ës, premton pagat më të mira në rajon për industrinë
-
Bardhi dhe Gjekmarkaj braktisin mbledhjen e Konferencës së Kryetarëve
-
Blinken ka ‘shpresë’ se Hamasi do të pranojë marrëveshjen ‘jashtëzakonisht bujare’ të Gazës
-
Kurti kërkon nga Scholzi “mbështetje të palëkundur” për anëtarësimin e Kosovës në Këshillin e Evropës