Jetesë & Stil

Projekti më i ri i Megan dhe princ Harry-t


Çifti më i përfolur i momentit, princ Harry dhe Meghan vijojnë t’i suprizojnë të gjithë.

Së fundmi, ata kanë zbuluar projektin e tyre më të ri në ‘Netflix’, ku ata patën nënshkruar një marrëveshje prodhimi që në shtator të vitit të kaluar. Kontrata përfshin seri të shkruara, dokumentarë dhe programe për fëmijë.

Kompania e prodhimit  është “Archewell Productions”, e cila do të ndjekë një grup konkurrentësh nga e gjithë bota, anëtarët e shërbimit të së cilës, kanë pësuar dëmtime ose sëmundje që do u ndryshonin jetën përgjatë rrugës së tyre për në “Invictus Games”, themeluar nga princ Harry në vitin 2014.

Projekti do të jetë një seri dokumentaresh nën titullin “Heart of Invictus”, i cili do të sjellë rrëfime të konkurrentëve dhe organizatorëve të ngjarjes, ku do të ketë si regjisor Orlando von Einsiedel dhe producente Joanna Natasegara.

Harry ka dhënë një deklaratë, në të cilën shpreh ngazëllimin e tij për projektin që pritet të vijë.

“Jam tepër i ngazëllyer dhe i lumtur për projektin. Ndihem shumë krenar për rrugëtimin tim përpara”, tha Harry.

Princi do të jetë pjesë e serialit përpara kamerave si edhe do të shërbejë si producent ekzekutiv. Ceo i Netflix, Ted Sarandos ka treguar se fondacioni i ish, Dukës dhe Dukeshës së Sussex-it së bashku me ekipin e “Archewell Productions”, do të sigurojnë fonde relativisht të mëdha për organizatën.

 

 

 

Albanianpost.com


Lajmet kryesore