“Procesi ndaj Thaçit në Speciale nën standardet ndërkombëtare”

Procesi deri të tani ndaj ish-Presidentit të Kosovës, Hashim Thaçi, në Gjykatën Speciale, ka qenë zhgënjyes.

Madje, sipas avokatit të Thaçit, Luka Misetic, ka qenë nën standardet ndërkombëtare.

Për këtë, avokati i famshëm amerikan ka thënë se janë në pritje të një ndryshimi për mirë.

Misetic, pati kritika për Gjykatën edhe për mosfillimin e gjykimit, tani kur kaluar një vjet që Thaçi mbahet në paraburgim si i akuzuar për krime lufte. Sipas tij, organi i akuzës është ende i pa përgatitur për këtë.

Ndryshe Hashim Thaçi, Kadri Veseli, Rexhep Selimi dhe Jakup Kransiqi po mbahen në paraburgim nga nëntori i vitit 2020.

Aktakuza ndaj tyre lidhur me pretendimin për krime lufte, është konfirmuar më 26 tetor 2020 ndërsa në paraqitjet e tyre të para në Dhomat e Specializuara në Hagë ata janë deklaruar të pafajshëm.