Princi nga familja mbretërore e Lihtenshtejnit është akuzuar nga grupet mjedisore për qëllimin dhe vrasjen e ariut më të madh në Rumani.
OJQ-ja Rumune Agent Green dhe OJQ-ja Austriake VGT sqaruan në një deklaratë se ariu, i quajtur Arthur, u qëllua në mars. Ai u pikas në një zonë të mbrojtur të Maleve Karpate nga Princi Emanuel von und zu Lihtenshtajni.
Sipas OJQ-ve, princit i ishte dhënë miratimi i veçantë nga ministria rumune e mjedisit për të qëlluar një ari femër që sulmonte fermat e fshatarëve.
Sakaq, ato deklarojnë se “princi nuk e vrau ariun problematik, por një mashkull që jetonte thellë në pyll”.
Në deklaratën e tyre ata thanë se “ariu me emrin Arthur është vëzhguar për shumë vite nga rojtari i zonës Agent Green dhe ishte i njohur si një ekzemplar i egër që nuk ishte mësuar me praninë e njeriut”.
Gabriel Paun, presidenti i Agent Green, tha se Arthur ishte 17 vjeç dhe ishte ariu më i madh i vëzhguar në Rumani, dhe ndoshta më i madhi që jetonte në Bashkimin Evropian.
Agjencia Associated Press raportoi se kishte parë dokumente zyrtare të gjuetisë që konfirmonin se Princit Emanuel ishte dhënë një leje gjuetie katër-ditore në muajin mars.
“Pyes veten se si princi mund të ngatërronte një ari femër që vinte në fshat me mashkullin më të madh që ekzistonte në thellësitë e pyllit”, tha presidenti i Green, Paun.
Arinjtë kaf janë një specie e mbrojtur sipas ligjeve ndërkombëtare dhe atyre rumune, dhe Rumania ndaloi gjuetinë e tyre në 2016. Sidoqoftë, qeveritë e njëpasnjëshme me përjashtime, kanë dhënë leje të lëshuara nga ministri i mjedisit, në rastin e arinjve që kanë shkaktuar dëme serioze ose kërcënuar njerëz.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ben Gvir kërkon pushtimin e menjëhershëm të Rafahut
-
“Me retorikë ka nisur Holokausti e Srebrencia, prandaj kemi përkrahje për ta neutralizuar nacionalizmin toksik të VMRO-së”, intervistë e Albanian Post me Bujar Osmanin
-
Biden i bëri presion Netanyahut kundër një pushtimi në Rafah
-
Hamasi pranon armëpushimin për Gazën, Izraeli jo
Lajmet kryesore
-
“Me retorikë ka nisur Holokausti e Srebrencia, prandaj kemi përkrahje për ta neutralizuar nacionalizmin toksik të VMRO-së”, intervistë e Albanian Post me Bujar Osmanin
-
Prokuroria zbardh hetimet për vetëvrasjen e nënës me 3 fëmijët: Ka dyshime të forta se drejt aktit i ka çuar dhuna e bashkëshortit
-
Ranucci nuk tërhiqet: Report për Shqipërinë do të jepet brenda muajit, nuk jam censuruar nga Rama
-
Hamasi pranon armëpushimin