Princi i kurorës i Arabisë Saudite, Mohammed bin Salman, i tha Sekretarit të Shtetit të SHBA-ve, Antony Blinken, se atij personalisht nuk i intereson “çështja palestineze”, sipas një raporti publikuar nga “The Atlantic”.

Aty thuhej se gjatë një vizite në Arabinë Saudite në janar, Blinken dhe princi i kurorës u takuan në qytetin saudit al-Ula për të diskutuar perspektivën e normalizimit të marrëdhënieve të Mbretërisë së Gjirit me Izraelin në mes të luftës së vazhdueshme izraelite në Gaza.

Muaj më parë, Riadi dukej se po bënte përparim në formimin e lidhjeve me Izraelin gjatë diskutimeve të udhëhequra nga SHBA, të cilat më vonë u prishën nga shpërthimi i luftës më 7 tetor.

Megjithatë, princi theksoi nevojën për të punuar në çështjen e krijimit të shtetit palestinez si një komponent kritik i çdo marrëveshje normalizimi me Izraelin.

Duke folur mbi pohimet, një zyrtar saudit ka hedhur poshtë deklaratat duke thënë se pretendimet janë “të pasakta”.