![](https://albanianpost.com/wp-content/uploads/2021/09/Princess-Beatrice-news-Royal-wedding-will-NOT-be-shown-live-on-TV-as-ITV-ditches-coverage-1224389.jpg)
Princesha Beatrice ka lindur fëmijën e parë nga martesa me burrin e saj, Edoardo Mapelli Mozzi.
![](https://albanianpost.com/wp-content/uploads/2021/09/1da9afa5-4a83-4dee-8935-c1ebb27a6e05-AP_Britain_Princess_Beatrice-1024x576.jpg)
Fëmija më i madh i Princit Andrew dhe Sarah Ferguson mirëpriti vajzën e saj gjatë kësaj fundjave, ndërsa lindjen e ka kryer në spitalin e Westminster në Londër.
E porsalindura, emri e të cilës nuk u zbulua akoma, peshonte 2 kilogram e 700 gram, ndërkaq lajmin për ardhjen në jetë të anëtares më të re të familjes mbretërore e kanë dhënë vetë familja mbretërore e Britanisë së Madhe përmes një postimi në rrjete sociale.
“Gjyshërit dhe stërgjyshërit e foshnjës së re janë të gjithë të informuar dhe janë të kënaqur me lajmin”.
“Familja do të donte të falënderonte të gjithë stafin në spital për kujdesin e tyre të mrekullueshëm”, thuhej në njoftimin e familjes mbretërore.
Tutje, familja ka theksuar edhe fëmijën e dhëndrit të tyre, për të cilin u shpreh se çifti mezi po presin ta njoftojnë vajzën me të.
“Lartësia e saj Mbretërore dhe fëmija i saj janë të dy mirë dhe çifti mezi presin ta prezantojnë vajzën e tyre me vëllain e saj të madh, Christopher Woolf”, thuhej në njoftim.
Wolfie, siç njihet me nofkën, është djali 5-vjeçar i Mozzi dhe ish të fejuarës së tij, Dara Huang.
Ndërkaq, Beatrice, kishte njoftuar shtatzëninë e saj gjatë përvjetorit të tretë të martesës së Princit Harry me Meghan Markle.
![](https://albanianpost.com/wp-content/uploads/2021/09/48143287-10008387-image-a-17_1632138848942.jpg)
Madje, nga shumë media kjo u aludua si një përgjigje e Beatrice, pasi që Duka dhe Dukesha e Sussex-it thuhet se vodhën vëmendjen e, Princeshës Eugenie, në ditën e dasmës së saj duke njoftuar familjen se Meghan ishin shtatzënë me Archie.
Beatrice dhe zhvilluesi italian i pasurive të patundshme u martuan në korrik të vitit 2020 pasi fillimisht e shtynë dasmën e tyre për shkak të pandemisë Coronavirus.
Dasma në shkallë më të vogël, e cila nuk ishte paralajmëruar paraprakisht, u mbajt në “Kapelën Mbretërore të të Gjithë Shenjtorëve” në “Royal Lodge” dhe në të mori pjesë Mbretëresha Elizabeth II e Princi i ndjerë Philip si dhe anëtarë të ngushtë të familjes.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com