Prince Jackson thotë se i ati Michael Jackson “ndihej i pasigurt për lëkurën e tij”

Ikona e ndjerë e muzikës pop, Michael Jackson thuhet se ishte shumë i shqetësuar për lëkurën e tij, përgjatë viteve të fundit para vdekjes në moshën 50-vjeçe.

Kështu të paktën ka zbuluar djali i madh i Michael, Prince Jackson, shkruan CNN, transmeton AlbanianPost.

26-vjeçi ishte i ftuar së fundmi në podkastin “Hotboxin’ with Mike Tyson”, ku foli për babain e tij të ndjerë.

Tyson përmendi se njerëzit mendonin se i moshuari Jackson, i cili ishte afrikano-amerikan, “po ndryshonte lëkurën e tij sepse donte të ishte i bardhë, ai po e ndryshonte sepse donte të shkëlqente. Ai donte të ishte një dritë, ai donte të shkëlqente”.

Por përgjigja e djalit të yllit të hitit “Smoth Criminal” ishte epike, teksa ai e pyeti Tyson nëse e kishte dëgjuar këtë nga babai i tij, apo nga njerëzit.

Tyson tundi kokën dhe u përgjigj duke thënë se – “më kujtohet pikërisht në vitin, ai donte të shkëlqente, ai është drita”.

Princi Jackson tha se kur ai ishte më i ri, babai i tij fliste me të për trajtimin e sëmundjes së lëkurës ‘vitiligo’.

“Ai kishte shumë pasiguri përreth, dukej i njollosur në pamjen e tij”, tha Jackson.

“Kështu që ai donte të shihte nëse mund të zbuste pamjen e tij, për të ndihmuar me sigurinë në pamjen e tij fizike”, shtoi ai tutje,

Michael, vdiq në vitin 2009 nga dehja akute me propofol.

Ai trajtoi një çrregullim të lëkurës gjatë një interviste të vitit 1993 me Oprah WInfrey.

“Unë kam një çrregullim të lëkurës, pigmentimin e lëkurës sime”, tha ai në atë kohë.

“Është diçka që nuk mund ta rregulloj”, shtoi ajo.

Sipas mjekësisë, ky problem “shkakton humbje të ngjyrës së lëkurës në njolla”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.