Një prezantues i televizionit ekuadorian u plagos pasi një bombë e maskuar si një USB shpërtheu kur ai e futi atë në kompjuterin e tij, pasi pajisje shpërthyese iu dërguan gazetarëve në të gjithë vendin.
Lenin Artieda pësoi lëndime të lehta nga shpërthimi, i cili ndodhi në redaksinë e “TV Ecuavisa” në Guayaquil.
Zyra e Prokurorit të Përgjithshëm të vendit njoftoi se kishte nisur një hetim terrorizmi pasi gazetarëve në disa media u dërguan zarfe që përmbanin pajisje të ngjashme shpërthyese.
“Është një eksploziv i tipit ushtarak, por kapsula shumë të vogla”, ka thënë Xavier Chango, kreu kombëtar i shkencës mjeko-ligjore.
Zarfet e dërguara gazetarëve kishin karakteristika të ngjashme dhe të njëjtën përmbajtje dhe kështu do të hetoheshin së bashku, sipas zyrës së Prokurorit të Përgjithshëm në një deklaratë.
Fundamedios, grupi rajonal i mbrojtjes së lirisë së shprehjes, ka bërë me dije se një stacion i tretë televiziv dhe radio në Quito ka marrë gjithashtu zarfe me eksploziv.
Kanali televiziv “Teleamazonas”, ka thënë se një nga gazetarët e tij ka marrë një zarf anonim dhe se me hapjen e tij kishte zbuluar një pajisje, për të cilën policia konfirmoi se përmbante eksploziv.
Sakaq, qeveria ka thënë se do të mbronte lirinë e shprehjes në vend.
“Çdo përpjekje për të frikësuar gazetarinë dhe lirinë e shprehjes është një veprim i neveritshëm që duhet të ndëshkohet me gjithë ashpërsinë e drejtësisë”, thuhet në një deklaratë.
Presidenti i Ekuadorit, Guillermo Lasso, ka fajësuar rritjen e dhunës në konkurrencën midis bandave të trafikut të drogës për territor dhe kontroll.
Ekuadori, i cili ndodhet midis Kolumbisë dhe Perusë, dy vendet më të mëdha të prodhimit të kokainës në botë, është një rrugë strategjike e kontrabandës së drogës për shkak të vijës së gjatë bregdetare të Paqësorit dhe flotës së madhe të anijeve dhe peshkimit.
Referuar analistëve, bandat kriminale të trimëruara nga lidhjet fitimprurëse me kartelet meksikane të drogës po përdorin taktika terroriste për të frikësuar autoritetet dhe civilët, ndërsa vendi me rreth 18 milionë banorë është në prag të shndërrimit në një narko-shtet.
Marrë nga “The Guardian”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Krimeve mund të kërkojë arrestimin e Netanyahut, Gallant dhe Halevit
-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”