Prezantohet festivali “South Outdoor Festival” që do të mbahet më 3-6 shtator në Borsh, Himare

Prezantohen aktivitetet e plota që priten të mbahen në festivalin e aventurës dhe muzikës “South Outdoor Festival”, festival ky që këtë vit rikthehet për edicionin e tij të katërt, në Borsh, Himare.

Në një konferncë për media, Bledar Leka  nga organizata CITRUS që është bashkëpunëtore e GIZ-së në organzimin e South Outdoor Festival tha se “projekti i këtij festivali mbështetet fuqimisht nga qeveria gjermane, dhe është implentuar në Shqipëri nga GIZ, Zyra në Shqipëri, dhe qëllimi i këtij festivali qysh prej fillimit ka qenë zhvilli i qëndrueshëm i turizmit në Shqipëri, kurse konkretisht South Outdoor ka qenë promovimi i zonës së jugut”.

Ai tha se ky festival do të promovojë gjithçka që ofron zona e jugut të Shqipërisë. Do të zhvillohen 33 aktivete sportive prej më të ndryshmeve. Aktivitetet do të fillojnë me ato të ajrit si paragliding, dhe deri te aktivitetet ujore, kulturore dhe kulinare.

Ky festival do të zgjasë për tre netë, duke filluar prej pasdites së 3 shtatorit, e deri më 6 shtator.

Lendi Hysi, i njohur nga West Side Family, që është ambasador i këtij festival tha se edhe nëse nuk merrni pjesë për aktivitetit muzikore, kulturore ose sportive “por thjesht Borshi është një vend me plazh fantastik, ku mund të vini të kaloni momente të bukura me familjarët, por dyshoj që nëse vini nuk do të ngecni te rrjedha e sporteve”.

Në këtë festival do të performojnë artistë e bende të mirënjohur shqiptar dhe ndërkombëtar. Bende si Jericho, e këngëtar si Eugent Bushpepa do të jenë gjithsesi boom-i i festivalit.