Presidentja e Tajvanit, Tsai Ing-wen dha dorëheqjen si kryetare e Partisë Demokratike Progresive (DPP) të shtunën e 26 nëntorit.
Kjo, pasi strategjia e saj për të organizuar zgjedhjet lokale, si sfidë ndaj armiqësisë në rritje të Kinës, nuk arriti të shpërblehej dhe të fitonte mbështetjen e publikut.
Zgjedhjet për kryetarët e bashkive, kryetarët e qarqeve dhe këshilltarët lokalë kanë të bëjnë gjoja për çështje të brendshme si pandemia COVID-19 dhe krimi.
Por Tsai kishte riformuluar zgjedhjet më shumë se një votim lokal, duke thënë se bota po shikon se si Tajvan-i mbron demokracinë e tij mes tensioneve ushtarake me Kinën, e cila pretendon se ishulli është territori i saj.
Partia kryesore opozitare Kuomintang, ose KMT, ishte duke udhëhequr ose pretenduar fitoren në 13 nga 21 vendet e kryetarit të bashkisë dhe qarkut, duke përfshirë kryeqytetin Taipei, krahasuar me pesë të DPP-së.
“Rezultatet i dështuan pritshmëritë tona. Ne i pranojmë me përulësi rezultatet dhe pranojmë vendimin e popullit tajvanez”, u tha Tsai gazetarëve në selinë e partisë ndërsa dha dorëheqjen si kryetare e partisë, gjë që bëri gjithashtu pas rezultateve të dobëta të 2018-ës.
Tsai tha se kishte refuzuar një ofertë dorëheqjeje nga kryeministrja Su Tseng-chang, gjithashtu një anëtare e lartë e DPP-së.
Ajo shtoi se i kishte kërkuar të qëndronte në detyrë për të siguruar që politikat e saj do të zbatoheshin siç duhet.
Kabineti tha se Su kishte rënë dakord të qëndronte për shkak të nevojës për stabilitet në mes të situatës “të mundimshme” të brendshme dhe ndërkombëtare.
Përgjigja e Kinës ishte e heshtur, me agjencinë zyrtare të lajmeve Xinhua që thjesht vuri në dukje dorëheqjen e Tsai-t “për të marrë përgjegjësinë mbi performancën e partisë në zgjedhjet lokale të Tajvanit”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Shpërblehet përsëri “Apetit SH.P.K”, Komuna e Podujevës i jep tenderë për furnizim me mëshqerra
-
Ngrihet Qendra Rajonale e Inovacionit në Elbasan, e vetmja në Ballkanin Perëndimor
-
Dialogu politik dhe çështjet rajonale në fokus të takimit Hasani-Milanoviç
-
Pasi punësoi familjarin dhe ia mundësoi vajzës së saj punë praktike, Gërvalla ndalon punësimin e familjarëve në MPJD
Lajmet kryesore
-
Dialogu politik dhe çështjet rajonale në fokus të takimit Hasani-Milanoviç
-
Ngrihet Qendra Rajonale e Inovacionit në Elbasan, e vetmja në Ballkanin Perëndimor
-
Ku mund ta zhvendosë Hamasi degën e tij politike?
-
Pasi punësoi familjarin dhe ia mundësoi vajzës së saj punë praktike, Gërvalla ndalon punësimin e familjarëve në MPJD