Presidenti i zgjedhur i Iran-it, Ebrahim Raisi ka deklaruar se nuk është i gatshëm të takojë Presidentin e Shteteve të Bashkuara të Amerikës, Joe Biden.
Këtë koment, Raisi e bëri të hënën e 21 qershorit në një konferencë shtypi me gazetarët. Kur u pyet rreth takimit me Biden, Ebrahim Raisi u përgjigj me një ‘jo’ të prerë.
Konkurrenti i Raisi-t në zgjedhjet e fundit, Abdolnasser Hemmati, u shpreh pozitivisht ndaj takimit me Biden.
Raisi e quajti veten “një mbrojtës i të drejtave të njeriut” pasi u përmend përfshirja e tij në ekzekutimet masive të vitit 1988 të rreth 5 mijë njerëzve.
Ai ishte pjesë e një paneli të ashtuquajtur “vdekjeje”, që dënoi të burgosurit politikë me vdekje në fund të luftës Iran-Irak të viteve 1980.
Kush është Ebrahim Raisi?
Ebhraim Raisi, 60 vjeç, ishte kreu i gjyqësorit të Iran-it, një nga pozicionet më të fuqishme të qeverisë iraniane, para se të zgjedhej president.
Ai garoi në zgjedhjet e fundit presidenciale të Iran-it në vitin 2017, duke humbur ndaj Presidentit Hassan Rouhani, i cili siguroi një mandat të dytë katër-vjeçar.
Raisi shihej si kandidati i zgjedhur i udhëheqësit suprem të Iranit, Ajatollah Ali Khamenei. Njësoj si Khamenei, ai lindi në qytetin Mashhad në Iran-in verilindor.
Ai është një klerik ultra-konservator, megjithëse nuk e mban statusin e ‘ajatollahut’. Kjo e fundit, është grada më e lartë për klerikët shiitë.
Raisi pretendon se ka një prejardhje që e lidh me profetin Muhamed. Për këtë arsye, ai vendos një çallmë të zezë në kokë.
Për shumë iranianë, figura e Raisi-t lidhet me një seri të përgjakshme gjyqesh dhe ekzekutimesh politike në vitin 1988 pas përfundimit të luftës Iran-Irak.
Asokohe, Raisi punonte si gjyqtar në gjykatën revolucionare të Teheranit. Gjykata po bënte një spastrim të kundërshtarëve të Republikës Islamike, e cila mori pushtetin në zhvillimet e revolucionit të vitit 1979 në Iran.
Grupet e të drejtave të njeriut thonë se Raisi është i përfshirë në vdekjen e mijëra njerëzve. Për disa votues konservatorë, kjo histori shton ndikimin e tij politik.
Në vitet e fundit, Khamenei e ka emëruar Raisi-n në pozicione që e kanë lartësuar figurën e tij në Iran.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Zbulohet një diamant 1 mijë karatësh në Botswana
-
Policia ngre alarmin për disa “mesazhe mashtruese” që vjedhin llogaritë e mediave sociale
-
Shpërthim masiv në uzinën e lëndëve kimike në Texas, urdhërohen evakuime
Lajmet kryesore
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Shqipëria dhe Kosova kanë numrin më të lartë të azilkërkuesve në vendet e BE-së
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel