Premier League thyen rekordin, klubet britanike shpenzojnë 2.36 miliardë funte në këtë afat kalimtar

Klubet angleze këtë afat kalimtar kanë shpenzuar shifra rekorde – më së shumti në histori të Premier League-s.

2.44 miliardë funte është shuma totale e shpenzuar për nënshkrimet e reja gjatë merkatos së verës – duke tejkaluar nivelin e mëparshëm prej 2.14 miliardë funtesh të vendosur vitin e kaluar.

Klubet gjeneruan gjithashtu një rekord prej 1.36 miliardë funtesh nga shitjet e lojtarëve, raporton “SkySports, transmeton Albanian Post.

Shpenzimet e përgjithshme neto arrijnë në 1.07 miliardë funte – shifra e dytë më e lartë në histori, pas asaj prej 1.29 miliardë funte që ishte në sezonin e kaluar.

Kush shpenzoi më shumë?

Ekipi londinez, Chelsea shpenzoi 434.5 milionë funte për transferime këtë verë – shifra më e madhe e shpenzuar nga çdo klub përgjatë historisë së transferimeve në Premier League.

Shifra është gjithashtu më shumë se dyfishi i shumës së shpenzuar nga çdo klub tjetër i Premier League-s këtë verë dhe e çon rritjen e shpenzimeve të bluve nën drejtimin e Todd Boehly në 1.036 miliardë funte që nga viti i kaluar kur ai e bleu klubin.

Manchester City renditet i dyti me 216.3 milionë funte të shpenzuara, i ndjekur nga Tottenham (212.3 milionë), Arsenali (208 milionë), Manchester United (183.5 milionë) dhe Liverpool (165.4 milionë) dhe Newcastle (130 milionë).

Në anën tjetër, Luton i sapo futur në ligë, ishte klubi më i kursyer me vetëm 9.5 milionë funte të investuara në lojtarë të rinj, ndërsa një mori klubesh gjithashtu regjistruan një total relativisht modest, duke përfshirë Everton-in (38.7 milionë), Burnley-in (48.6 milionë), Crystal Palace (50 milionë), Brentford-in (54 milionë), Sheffield United-in (54,2 milionë), Wolves-in (56,3 milionë) dhe Fulham-in (60,7 milionë).

Cilët lojtarë kushtuan më shumë?

Mesfushorët defensivë ishin përsëri në shënjestër gjatë këtij afati kalimtar, me Chelsea-n që theu rekordin e transferimeve britanike për ta transferuar Moises Caicedo nga Brighton për 115 milionë funte – duke thyer rekordin e mëparshëm të tyre prej 106.8 milionë funte për argjentinasin, Endo Fernandez verën e kaluar.

Fillimisht, Declan Rice u bë përkohësisht nënshkrimi më i shtrenjtë i afatit pasi Arsenali shpenzoi 105 milionë funte për të nënshkruar me ish-kapitenin e West Ham, ndërsa Manchester City shpenzoi 77.6 milionë funte për qendërmbrojtësin e RB Leipzig, kroatin Josko Gvardiol.

Manchester United-it, Rasmus Hojlund, i kushtoi 72 milionë funte për ta transferuar nga Atalanta, ndërsa Kai Havertz nga Chelsea në Arsenal shkoi për 65 milionë funte, Mason Mount nga Chelsea në Manchester United për 60 milionë funte dhe Dominik Szoboszlai nga RB Leipzig në Liverpool për 60 milionë funte.

Këta ishin të vetmit lojtarë të tjerë që kushtuan më shumë se 60 milionë funte.

Kush përfitoi më shumë nga shitjet?

Chelsea mund të ketë shpenzuar shumë, por blutë e Londrës gjithashtu rikuperuan një shumë rekord prej 237.3 milionë funtesh nga shitjet e lojtarëve – me Havertz dhe Mount që kontribuuan me 125 milionë funte në këtë shifër.

Lista vazhdon me Mateo Kovacic (30 milionë), Christian Pulisic (18,8 milionë), Ruben Loftus-Cheek (18,5 milionë), Kalidou Koulibaly (17 milionë), Edouard Mendy (16 milionë), Ethan Ampadu (7 milionë) dhe Callum Hudson-Odoi (5 milionë).

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.