Pranohen si prova në Speciale dokumentet që janë sekuestruar nga autoritetet serbe

Në seancën e së hënës në Gjykatën Speciale, është marrë vendim që dokumentet të cilat ishin kundërshtuar nga seancat e kaluara të pranohen si prova material në çështjen gjyqësore ndaj ish krerëve të Ushtrisë Çlirimtare të Kosovës për të cilat u theksua se kanë prejardhje nga Serbia.

Këtë e bëri të ditur kryetari i trupit gjykues, Charles Smith, në seancën gjyqësore ndaj ish-krerëve të UÇK-së,

“ZPS-ja tregon që dokumentet janë sekuestruara nga autoritetet serbe dhe me pas u janë dhënë TPNJ-së. Të dy dokumentet kanë të bëjnë me anëtarët e UÇK-së, takimet dhe aktivitetet e anëtarëve të UÇK-së”.

“Dëshmitari 04571 ka dhënë dëshmi të drejtpërdrejtë në sallën e gjyqit që është në pajtim me shënimet e mbajtura me shkrim dore që kanë të bëjnë me lidhjet e pretenduara në veçanti me oficerin e Policisë serb dhe individ të tjerë të cilët përmenden me këto dokumente”.

Gjyqtari Smith, më pas këto dokumente i konsideroi si tejet të rëndësishme.

“Për me tepër, këto dokumente janë relevante për të vërtetuar së pari natyrën e punës së përbashkët të kryer nga bashkëpunëtorët e dyshuar si dhe shkallën e aktiviteteve të tillë të dyshuara të kryera nga ky grup bashkëpunëtorëve”, tha Byrns.

Në Speciale, ka nisur dëshminë ish shefi i misionit vëzhgues diplomatik nga Shtetet e Bashkuara të Amerikës në Kosovë (SHBA), ka nisur dëshminë e tij në Gjykatën Speciale, Shaun Byrnes.

Sipas prokurorit Fernandes, dëshmitari Byrnes gjatë misionit të tij në Kosovë, kishte vërejtur liderët e UÇK-së që ishin përpjekur që të fshihnin informacione sa i takon strukturës së tyre komanduese.

“Burns ka marrë pjesë në komunikime të ndryshme, takime, negociata  të UÇK-së duke përfshirë këtu edhe kontaktet nga Jakup Krasniqi, Hashim Thaçi, Rexhep Selimi dhe anëtarët e tjerë të Shtabit të Përgjithshëm”.

“Në këto kontakte, Byrns ka takuar shumë herë autoritete të ndryshme të UÇK-së dhe ka ngritur pyetje që kanë të bëjnë me rrëmbime ose ndalime nga anëtarët e UÇK-së. Ai ka vënë re se liderët e UÇK-së janë përpjekur që të fshehin informacion sa i takon strukturës së komandës së UÇK-së”, tha prokurori Fernandez.

Dëshmitari, para betimit të tij u shpreh se s’ka ardhur të dëshmojë me inicativën e tij, por që këtë ia ka kërkuar Departamenti Amerikan i Shtetit.

“Dëshirojë të them që jam këtu me kërkesë të Departamentit të Shtetit dhe Prokurorit të Specializuar, nuk kam ardhur këtu me nismën time vetjake. Megjithatë, e pranojë përgjegjësinë që do të jep dëshmi duke marrë parasysh pozicionin tim dhe përgjegjësitë e mija në Kosovë në vitin 1998 dhe 1999”.

Ai gjatë intervistimit të tij është pyetur edhe për rolin e LDK-së dhe qëndrimet e Ushtrisë Çlirimtare të Kosovës ndaj kësaj partie.

Pjesë nga intervistimi në Speciale:

Prokurori: A ju kujtohet që keni folur edhe për LDK-në në fund të 98-së me Jakup Krasniqin?

Shaun Byrnes: Jo nuk më kujtohen.

Prokurori: Do të jau rifreskoj kujtesën “Jakup Krasniqi dhe shtabi ishin shumë kritikues ndaj LDK-së edhe kur diskutonin me mua”, a ju rifreskon kujtesën kjo?

Shaun Byrnes: Po.

Prokurori: A është korrekte?

Shaun Byrnes: Po.

Shaun Byrnes: Dokumenti në fjalë, ka qenë një dokument i papërpunuar dhe i papërfunduar që do të dorëzohej në Konferencën e Rambujesë, lidhur me statusin e Kosovës për të ardhmen. Unë nuk kam qenë pjesë e përgatitjes së këtij dokumenti, këtë dokument po e përgatiste zyra e dokumentit të ambasadorit Hill, që ishte ambasador i SHBA-së në Maqedoni, e që ishte i dërguari i posaçëm për Kosovën nga sekretarja Madeleine Albright.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.