Qeveria franceze i ka dhënë fund papritur blerjes së kompanisё franceze, Carrefur, prej Couche-Tard (ANCTF).
Në një deklaratë, pronari i zinxhirit francez tё supermarketeve Carrefour (CRERF) dhe kanadezi Couche-Tard (ANCTF) tha se janё stopuar bisedimet për një transaksion prej 16.2 miliardë eurosh.
Po ashtu ministri francez i financave, Bruno Le Maire lajmëroi bllokimin e marrëveshjes në TV BFM-në e Francës.
Kompanitë, të cilat konfirmuan diskutimet e bashkimit javën e kaluar, thanë se në vend të kësaj do të eksplorojnë në fusha të tilla si blerja e karburantit, shpërndarja dhe produktet e etiketave private.
Sipas Euromonitor-it, marrëveshja do të kishte krijuar zinxhirin e katërt më të madh të supermarketeve në botë, pas Walmart (WMT), Lidl Schwarz Group dhe Kroger (KR).
Carrefour-i është një nga shitësit më të mëdhenj në Evropë me 10 mijё dyqane komerciale, supermarkete dhe hipermarkete në të gjithë kontinentin.
Couche-Tard operon me 9 mijё dyqane në të gjithë Amerikën e Veriut. Ajo është duke u rritur po ashtu edhe në Evropë. Të dy grupet kanë njё vlerë së bashku rreth 50 miliardë dollarë.
Franca ka forcuar vitet e fundit rregullat në blerjet e huaja. Në vitin 2020 zgjeroi listën e sektorëve që kërkojnë miratimin e qeverisë.
Carrefour kontrollon 20% të shpërndarjes ushqimore të Francës, sipas Le Maire.
Politika elektorale thuhet të ketë luajtur një rol më të madh.
“Një marrje e sektorit privat të Francës nga një kompani e huaj, do të kishte forcuar mitingun kombëtar e ekstremit të djathtë. Pas 15 muajsh do të mbahen zgjedhjet presidenciale”, tha analistja Fabienne Caron për CNN.
“Arsyeja e sigurisë ushqimore duket si e pakuptimtё”
Sipas Caron shitësit e huaj si Lidl operojnë në mënyrë efektive dhe shesin kryesisht produkte franceze.
Pandemia gjithashtu zbuloi se Franca mbështetet në vendet e huaja për pajisjet e kujdesit shëndetësor, të tilla si maska kirurgjikale.
“Në atë kontekst, dhe duke pasur parasysh zgjedhjet e ardhshme, qeveria kishte më shumë për të humbur sesa për të fituar nga pranimi i një oferte të tillë”/AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com