Policia e Shtetit përmes një deklarate për shtyp ka njoftuar masat e ndërmarra për datën 6 dhjetor, ditë kur do të zhvillohet samiti BE-Ballkani Perëndimor.
Sipas drejtorit të Departamentit të Rendit dhe Sigurisë Publike Rebani Jaupi, do të bllokohet Unaza e Madhe dhe rrugët përreth ‘Air Albania’.
Po ashtu do të bllokohet Bulevardi Bajram Curri nga kryqëzimi i Rrugës së Elbasanit te rruga Ibrahim Rugova.
I bllokuar do të jetë edhe Bulevardi Dëshmorët e Kombit nga ura e Lanës te Sheshi Nënë Tereza Sipas Jaupit, brenda perimetrit të sigurisë lejohen vetëm qytetarët që kanë banesat.
“Lëvizja e qytetarëve do të impaktohet drejt për drejt. Nisur nga rëndësia institucionale, samiti i BE-së përbën në tërësi dhe për Policinë e Shteti një mundësi për të dëshmuar kontributin e gjithsecilit për garantimin e rëndit. Policia ka marrë masa nga pika e kalimit të kufirit dhe garantimin e rendit publik në Tiranë dhe gjithë vendin”.
Perimetri, sipas autoriteteve do të jetë nga ora 14:00 i datës 5 deri në përfundimin e samitit.
Masat e planifikuara nga Policia e Shtetit, për këtë aktivitet të rëndësishëm konsistojnë në disa plane, konkretisht: garantimin e rendit publik para, gjatë dhe pas zhvillimit të Samitit, organizimin e shërbimeve policore, sigurimin e delegacioneve përgjatë gjithë rrugëkalimit, nga Rinasi për në Tiranë, eskortimin e delegacioneve nga aeroporti i Rinasit, për në vendin e zhvillimit të Samitit në Tiranë, dhe në kthim për në Rinas, eskortimi i delegacioneve nga PKK Morinë, Kukës, për në vendin e zhvillimit të Samitit në Tiranë, dhe në kthim për në Morinë, Kukës.
Konkretisht akset urbane të bllokuara janë:
Bulevardi “Dëshmorët e Kombit”, nga ura e Dajtit deri te Sheshi “Nënë Tereza”; Bulevardi “Bajram Curri” nga kryqëzimi me rrugën e “Elbasanit” deri te kryqëzimi me rrugën “Ibrahim Rugova”; Rruga “Papa Gjon Pali II” nga ETC-RTSH-Stadium; Rruga “Dervish Hima”; Rruga “Asim Zeneli”; Rruga “Themistokli Gërmenji”, pranë rrugës së Elbasanit dhe te kryqëzimi afër rrugës “Papa Gjon Pali II”; Rruga “Ismail Qemali”, nga kryqëzimi i Liceut deri te rruga e “Elbasanit”.
Gjithashtu të bllokuara do të jenë:
Rruga “Mustafa Matohiti”, pranë shkollës “Kosova”; Rruga “Jul Variboba”, pranë postës, në rrugën e Elbasanit dhe rrugën “Papa Gjon Pali II”; Rruga “Fatmir Haxhiu”, te ETC; Rruga “Lekë Dukagjini”, nga sheshi “Shopen”, deri te stadiumi “Air Albania” dhe përreth stadiumit; Rruga “Skerdilajd Llagami” dhe rruga “Faik Konica”.
Në këto akse rrugore do të ndalohet parkimi, qarkullimi i automjeteve dhe qytetarëve, ndërsa do të lejohet vetëm levizja e qytetarëve që janë banorë, brenda perimetrit të sigurisë.
Ndalim të qarkullimit të automjeteve do të ketë edhe në aksin rrugor;
Rinas – Mbikalimi i Kasharit – Autostrada “Durrës – Tiranë” – Ish-sheshi “Shqiponja” – Unaza e Tiranës – Rrethrrotullimi i Saukut – Rrethrrotullimi pranë Akademisë së Policisë – Pallati i Brigadave – Rrethrrotullimi i qytetit “Studenti” deri tek kryqëzimi me bulevardin “Bajram Curri”.
Kufizime të qarkullimit të automjeteve të tonazhit të rëndë, do të ketë në aksin rrugor “Shkodër – Lezhë – Milot – Thumanë – Fushë Krujë – Vorë”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Akuzat e Metës ndaj SPAK, Basha: Nuk është sjellje normale, Prokuroria ka trazuar ujërat e kastës 34-vjeçare të politikës
-
Kuvendi miraton me 96 vota marrëveshjen për hapjen e Kolegjit të Evropës në Tiranë
-
Manja prezanton pr/ligjin: Lehtësohet procedura e cerfikimit për “Përkthyesit zyrtar”
-
Marrëveshja për Kolegjin e Evropës, Manastirliu në Kuvend: Ngjarje historike për arsimin e lartë shqiptar