Ministrja e Ekonomisë, Artane Rizvanolli, nëpërmjet një cicërime në rrjetin social “Twitter”, njoftoi se Policia e Kosovës ka sekuestruar edhe 20 pajisje të tjera për mihjen e kriptovalutave në pjesën veriore të Kosovës.
“Një tjetër aktivitet i paligjshëm për mihjen e kriptovalutave është ndaluar sot nga Policia e Kosovës, 20 pajisje janë konfiskuar”, shkroi Rizvanolli, një ditë pasi Polica e Kosovës kishte konfiskuar 174 pajisje ilegale në komunën e Zubin Potokut.
“Këto dhe zhvillime të ngjashme në komunat veriore nuk kanë të bëjnë fare me marrëdhënie ndëretnike në Kosovë siç duan të paraqësin disa. Është çështje e sundimit të ligjit kundër aktiviteteve të paligjshme”, shkroi ndër të tjera ajo.
Ndryshe, për ministren mihja e kriptovalutave në mënyrë ilegale në veri është arsyeja pse Serbia po bllokon zbatimin e udhërrëfyesit të energjisë së arritur në mes të Kosovës dhe Serbisë më 21 qershor të vitit të kaluar.
“Mos-pagesa e faturave të energjisë elektrike nxit aktivitete të tilla të paligjshme. Kjo është arsyeja pse Serbia bllokon zbatimin e udhërrëfyesit të energjisë. Ne i përmbushëm të gjitha angazhimet tona. Koha që edhe pala tjetër të bëjë të njëjtën gjë, urgjentisht”, shkroi një ditë më parë ajo.
Se Policia e Kosovës po zhvillon aksione kundër keqpërdorimeve të rrymës në komunat e banuara me shumicë serbe e kishte bërë të ditur edhe ministri i Brendshëm i Kosovës, Xhelal Sveçla, gjatë raportimit në Komisionin për Integrime Evropiane.
Another illegal crypto-mining activity was stopped today by @Kosovo_Police; 20 devices seized.
These & similar developments in northern municipalities have nothing to do w/ inter-ethnic relations in 🇽🇰 as some like to portray. It is an issue of rule of law vs illegal activities. pic.twitter.com/7ynbq03cyV
— Artane Rizvanolli (@Artane_R) April 16, 2023
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Banesë, shtëpi, banime në varg, garazh, veturë – Cila është pasuria e Presidentes Osmani
-
Plagosja e gazetarit iranian në Londër, një prej autorëve mund të jetë shqiptar
-
Burgoset një përndjekëse e Harry Styles, pasi i dërgoi 8 mijë letra në një muaj
-
Vdes personi që u vetëdogj përpara gjykatës ku mbahej seanca e Trump
Lajmet kryesore
-
Moody’s me vlerësim ‘pozitiv’ për Shqipërinë, ulet borxhi dhe rritet ekonomia
-
Kryediplomati grek: Greqia do të abstenojë për anëtarësimin e Kosovës në KiE
-
Lufta e Ukrainës: Kongresi amerikan është afër miratimit të ndihmës së shumëpritur
-
O’Brien: Do bëjmë gjithçka që të themelohet Asociacioni, Kosova ka premtuar
