Komuna e Prishtinës, do të nis të ofroj shërbime falas për policët e Kosovës.
Lajmin e ka bërë të ditur Komuna e Prishtinës, përmes një komunikate për media duke thënë se vendimi do të fuqizohet që nga 1 shkurti.
“SHËNDETËSIA E KRYEQYTETIT ME SHËRBIME FALAS PËR POLICËT TANË!”.
“Falë vendimit të Kuvendit të Kryeqytetit, nga 1 shkurti 2024, të gjithë pjesëtarët e policisë së Republikës së Kosovës do të marrin FALAS shërbimet shëndetësore në të gjitha Qendrat e Mjekësisë Familjare në Prishtinë”, thuhet në komunikatë.
As pas 24-viteve shteti i Kosovës nuk ka arritur t’ua sigurojë policëve sigurimin shëndetësor. Pos kësaj, Qeveria e tanishme ua ka ndalur edhe pagesat për rrezikshmëri.
Ndryshe, që nga përfundimi i luftës së fundit, 19 zyrtarë të Policisë kanë humbur jetën në detyrë.
Rasti i parë është regjistruar në shtator të vitit 2001.
Ndërsa, rasti i fundit ka qenë i heroit Afrim Bunjaku, i cili humbi jetën pas sulmit terrorist në Banjë.
Me legjislacionin në fuqi, e drejta e kompensimit nga buxheti i shtetit u takon dy kategorive: familjarëve të zyrtarëve policorë që vdesin në detyrë dhe atyre në kryerje të detyrës.
Policët që rrezikohen çdo ditë në Veri, ende s’kanë sigurime shëndetësore
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
