Në Kurbin dhe në Lezhë është zhvilluar një tjetër operacion anti-kanabis.
Mësohet se policia ka arritur të asgjësojë 5 mijë e 490 bimë kanabisi në katër fshatra.
Ende nuk është bërë identifikimi i autorëve.
Bimët e kanabisit ishin mbjellë në zona të pyllëzuara në fshatrat Gjobardhaj, Ungrej, Fregen, si edhe në fshatin Vinjoll në Milot.
Në fshatin Gjobardhaj, njësia administrative Ungrej, u gjetën të kultivuara mijë e 507 bimë të dyshuara narkotike cannabis sativa.
Në fshatin Ungrej, njësia administrative Ungrej, në koordinata të ndryshme, u gjetën të kultivuara 1 mijë e 225 bimë të dyshuara narkotike cannabis sativa dhe 1 mijë e 200 gropa të hapura gati për kultivim.
Në fshatin Fregen, njësia administrative Ungrej, në koordinata të ndryshme, u gjetën të kultivuara 2 mijë e 600 bimë të dyshuara narkotike cannabis sativa.
Kurse në fshatin Vinjoll, njësia administrative Milot, u gjetën të kultivuara 158 bimë të dyshuara narkotike cannabis sativa.
Policia e Lezhës, në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Lezhë, vijon veprimet hetimore, me qëllim identifikimin dhe arrestimin e autorit/ëve.
Sakaq, materialet procedurale i kaluan Prokurorisë, për veprime të mëtejshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
