Sipas raportit 24-orësh të Policisë së Kosovës në qytetin e Pejës të hënën janë plagosur babë e bir pas një incidenti ku është përdorur arma e zjarrit.
“Të lënduarit kanë pranuar trajtim mjekësor. Lidhur me rastin është arrestuar një mashkull kosovar dhe është sekuestruar një pistoletë me municion. Me vendim të prokurorit, i dyshuari pas intervistimit është dërguar në mbajtje”, thuhet në raport.
Po ashtu në Pejë është paraqitur në stacion policor i dyshuari kosovar së bashku me avokatin e tij që kishte shkaktuar një aksident me fatalitet.
“I njëjti dyshohet se ka qenë shkaktar i aksidentit me fatalitet. I dyshuari pas intervistimit me vendim të prokurorit është dërguar në mbajtje”.
Ndërkaq në Ferizaj raportohet se në njërën nga dhomat e lokalit pa shenja jete është gjetur viktima mashkull kosovar.
Sipas raportit policor, me vendim të prokurorit trupi i pa jetë i viktimës është dërguar në Institutin e Mjekësisë Ligjore.
Ndërsa në Mitrovicën Jugore janë arrestuar katër persona të mitur pasi që me forcë kanë hapur arkat e xhamisë së fshatit dhe kanë vjedhur parat e grumbulluara.
Me vendim të prokurorit pas intervistimit të dyshuarit janë liruar dhe rasti shkon në procedurë të rregullt.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel
