Jo shumë njerëz në futboll e dinë se si është të luash qendërmbrojtës për Barcelonën më shumë sesa Gerard Pique.
36-vjeçari luajti për 14 vite me Barcelonën, që kur u bashkua në vitin 2008 nga Manchester United.
Pique ka thënë fjalën e tij për nënshkrimin e fundit të qendërmbrojt ësit të Barcelonës, Inigo Martinez.
32-vjeçari u bashkua nga Athletic Bilbao në fillim të korrikut dhe Pique beson se ai mund të jetë një nënshkrim shumë i mirë për skaudrën katalanase.
“Ai del shumë mirë me topin, ka një këmbë shumë të mirë dhe shumë karakter. Ai do të përshtatet lehtësisht”, kishte thënë Pique për “Mundo Deportivo”.
“Me të, pozicioni i qendërmbrojtësit do të jetë një linjë edhe më konkurruese, sepse ka Araujo, ka Christensen dhe Kounde gjithashtu mund të luajë atje”
“Ekipi ka treguar tashmë sezonin e kaluar se në mbrojtje mund të konkurrojë në një nivel të lartë dhe shpresojmë se do të vazhdojë kështu”, ishin disa nga fjalët e Pique-s.
Martinez ishte për pesë vite pjesë e Bilbao-s, që kur ishte transferuar në vitin 2018 nga Real Sociedad.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
