“La Gazzetta dello Sport” shpjegon se si Stefano Pioli do ta rrotullojë skuadrën e tij të Milan-it përpara ndeshjes së dytë të raundit të 1/8-ve të finales në Ligën e Kampionëve kundër Tottenham-it javën e ardhshme.
Kuqezinjtë kanë fituar katër ndeshje radhazi në të gjitha garat (për herë të parë këtë sezon) dhe do të vizitojnë Fiorentina-n në “Stadio Franchi” në Firence të shtunën, më 4 mars, katër ditë përpara udhëtimit të tyre në Londër, ku do të përballen me Tottenhamin e Antonio Conte-s.
Gazeta e lartcekur shpjegon zgjedhjet e Pioli-t për dy ndeshjet e ardhshme, duke e quajtur atë “Operacioni Big Ben”.
Milan, operazione Londra: Pioli prepara due squadre, staffetta Diaz-CDK #MilanTottenham https://t.co/jlPSFPFfsG
— La Gazzetta dello Sport (@Gazzetta_it) February 28, 2023
Rade Krunic dhe Rafael Leao janë suspenduar ndaj Fiorentina-s, ndaj do të jenë të pushuar për ndeshjen e rëndësishme të Ligës së Kampionëve më 8 mars. Ante Rebic është favorit për të zëvendësuar Leaon në Firence.
Olivier Giroud gjithashtu mund të pushojë në ndeshjen e ardhshme të Serie A me Zlatan Ibrahimovic apo Divock Origi që mund të startojnë nga fillimi.
Charles De Ketelaere gjithashtu mund ta nisë ndeshjen në Firence, me Brahim Diaz fillimisht në bankën rezerv duke pushuar për ndeshjen e rëndësishme të së mërkures.
Davide Calabria dhe Ismael Bennacer pritet të stërviten me ekipin të mërkurën dhe të jenë të disponueshëm në “Stadio Franchi” në fundjavë.
Është ende e paqartë nëse algjeriani do të nisë ndeshjen e radhës në Serie A, kështu që Aster Vranckx, Tommaso Pobega apo Tiemoue Bakayoko do të jenë partnerë me Sandro Tonalin në mesfushën qendrore.
Në të njëjtën kohë, Fiakyo Tomori ose Malick Thiaw mund të pushojnë të shtunën me Simon Kjaer duke filluar në një mbrojtje me tre lojtarë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Me mbi 75% e votave të numëruara “Fronti Evropian” ka 20 mijë vota më shumë se “VLEN”
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
Kasami: Nga nesër mund të shpallim koalicionin e ndryshimit me VMRO-DPMNE