Nuk është lajm që lëngjet e gazuara nuk janë të shëndetshme. Përveç faktit që përmenden më shpesh kur bëhet fjalë për peshën e tepërt dhe shëndetin e zemrës, nuk duhet neglizhuar edhe ndikimi i tyre në sistemin imunitar.
Duke pasur parasysh se lëngjet e gazuara përbëhen kryesisht nga sheqeri, dhe sheqeri dobëson imunitetin, është logjike të supozohet se lëngjet mund të dobësojnë trupin që po lufton një sëmundje.
Ka disa arsye pse, të paktën gjatë kohës që jeni sëmur, do të ishte e zgjuar të shmangni shumë lëngje.
Ushqeheni me baktere të këqija
Vetëm tre decilitra lëng të gazuar përmban rreth 39 gramë sheqer shtesë, që fatkeqësisht mund të jetë një bazë e shkëlqyer për zhvillimin e sëmundjes nëse konsumohet rregullisht.
Sheqeri ushqen mënyrën se si zhvillohen bakteret dhe viruset dhe më pas përhapen në të gjithë trupin. Në përgjithësi, sheqeri shtyp përgjigjen imune. Prandaj, lëngjet nuk duhet të eliminohen plotësisht, por marrja duhet të kufizohet në të paktën një pije të tillë në javë.
Mund të rrisin rrezikun e infeksionit
Edhe pse kjo vlen për të gjithë, njerëzit që vuajnë nga diabeti i tipit 2 janë në rrezik më të lartë. Sheqeri në lëngje ndikon në leukocitet, të cilat luajnë një rol shumë të rëndësishëm në imunitetin dhe janë përgjegjës për luftimin e infeksionit.
Njerëzit me diabet të tipit 2 janë veçanërisht të ndjeshëm ndaj komplikimeve shëndetësore, veçanërisht në kohën e koronavirusit, kështu që sigurisht që është e dobishme të eliminoni lëngjet.
Rrisin rrezikun e diabetit të tipit 2
Konsumimi i përditshëm i lëngjeve rrit rrezikun e diabetit të tipit 2. Konsumimi i rregullt i pijeve të ëmbla ul ndjeshmërinë ndaj insulinës dhe ky është një nga faktorët më të mëdhenj për zhvillimin e këtij lloji të diabetit.
Stimulojnë inflamacionin
Pijet e njohura të gazuara plot me sheqer mund të stimulojnë procese inflamatore në trup që dobësojnë imunitetin, por edhe rrisin rrezikun e zhvillimit të sëmundjeve kronike në jetën e mëvonshme.
Rrisin rrezikun e obezitetit
Kjo është veçanërisht e vërtetë për njerëzit që kanë probleme me peshën dhe janë të prirur për të shtuar peshë. Lëngjet sjellin “kalori boshe” që nuk kanë asnjë vlerë ushqyese. Në fakt, ato mund të dëmtojnë vetëm trupin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ekspertët të shqetësuar për variantin e ri KP.2 të COVID në SHBA
-
Një mënyrë jetese e shëndetshme mund të kompensojë gjenetikën me 60% dhe t’i shtojë 5 vjet jetës, thotë studimi
-
Selena Gomez reflekton mbi shëndetin mendor, rëndësinë e tij dhe tejkalimin e sfidave
-
Sekretet për të pasur një super kujtesë në moshën 80-vjeçare
Lajmet kryesore
-
Përurohet shtatorja më e madhe e Skënderbeut në tokën italiane, nga arbëreshët e San Basile-s
-
Balla: Po punohet për një program të madh asistence ndaj Shërbimit Zjarrfikës, me donatorë të huaj
-
Hamasi tregon se është gati për marrëveshje, izraelitët ende të përçarë
-
Raportet ndërkombëtare që shkërmoqën propagandën qeveritare