Manchester City ka kompletuar nënshkrimin e mesfushorit të Leeds United, Kalvin Phillips në një kontratë gjashtëvjeçare.

Mesfushori i Anglisë, Phillips, i bashkohet City-t pasi bëri 235 paraqitje në tetë sezone në Elland Road.

26-vjeçari bëhet nënshkrimi i tretë veror i Pep Guardiolës pas Erling Haaland dhe Stefan Ortega Moreno.

“Jam absolutisht i kënaqur që i jam bashkuar Manchester City-t. City ka dëshmuar përsëri të jetë skuadra më e mirë në vend”, tha Phillips.

City mësohet se ka rënë dakord për një marrëveshje prej 45 milionë funtesh për Phillips, i cili kishte dy vjet të mbetura në marrëveshjen e tij me Leeds.

“Klubi ka një skuadër të mrekullueshme dhe një menaxher si Pep Guardiola i cili me të drejtë konsiderohet të jetë më i miri në botë”, shtoi ai.

“Të jesh në gjendje të luash nën drejtimin e Pep dhe të mësosh nga ai dhe stafi i tij stërvitor, si dhe të jesh pjesë e një skuadre kaq fantastike është një perspektivë për të cilën jam tepër i emocionuar”, përfundoi anglezi.