Petrópolis: Rrëshqitjet vdekjeprurëse të dheut bëjnë kërdinë në qytetin brazilian, rreth 100 të vdekur
Zyrtarët kanë bërë me dije se rreth 100 njerëz kanë vdekur nga rrëshqitjet e dheut dhe përmbytjet në qytetin brazilian të Petrópolis.
Qyteti, i cili ndodhet në veri të Rio de Janeiro-s, u godit nga reshje shiu të rrëmbyeshme.
Shtëpitë që ndodheshin në kodër u shkatërruan dhe makinat u rrënuan ndërsa ujërat vërshuan nëpër rrugët e qytetit.
Ekipet e kërkim-shpëtimit po krehin baltën për të mbijetuarit.
Mbrojtja Civile Kombëtare e Brazilit tha në median sociale Twitter, 24 persona ishin shpëtuar të gjallë deri më tani, me 94 vdekje të konfirmuara. Videot e shpërndara në mediat sociale treguan dëme të mëdha dhe automjete që notonin në rrugë.
Me 35 persona të raportuar të zhdukur, autoritetet kanë deklaruar se përpjekjet e kërkim-shpëtimit do të vazhdojnë pa ndërprerje.
Petrópolis është një destinacion popullor turistik në kodrat mbi Rio de Janeiro-n, i cili dikur ishte ikja verore për monarkët e Brazilit në shekullin e 19-të.
Por pasi një muaj me reshje shiu në qytet në vetëm tre orë, pjesa më e madhe e hijeshisë së tij mbretërore ishte në gërmadha, me shtëpi dhe dyqane të shkatërruara nga përmbytjet.
Në një nga lagjet më të goditura, deri në 80 shtëpi u përmbyten nga rrëshqitjet e dheut.
Rreth 300 njerëz po strehohen në shkolla dhe qendra sociale dhe organizatat bamirëse po bëjnë thirrje për donacione të dyshekëve, ushqimeve, veshjeve dhe maskave për fytyrën.
Kryetari i bashkisë së qytetit ka shpallur gjendjen e jashtëzakonshme dhe presidenti Jair Bolsonaro, i cili ndodhet në një udhëtim zyrtar në Rusi, ka thënë se do të organizojë ndihmë të menjëhershme për viktimat.
Ky është i fundit në një seri shiu të dendur që goditi Brazilin në tre muajt e fundit, të cilat shkencëtarët thonë se po përkeqësohen nga ndryshimet klimatike.
Petrópolis dhe rajoni përreth u goditën më parë nga stuhi të forta në janar 2011, kur më shumë se 900 njerëz vdiqën nga përmbytjet dhe rrëshqitjet e dheut.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Meta ‘sfidon’ Dumanin: Ilir Meta do jetë gjithmonë këtu, SPAK-u tarallaku ta harrojë PL-në
-
Një muaj paraburgim për një kosovar të ndaluar në Serbi, nën dyshime për krime lufte
-
Një burrë ndez zjarrin në gjykatën ku po zhvillohet gjyqi i Trump, lëndohen 17 persona
-
Euronews Green: Shqipëria prodhon 100 % energji nga burime të rinovueshme
Lajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Çfarë dimë deri tani për sulmin e Izraelit ndaj Iranit
-
Lajçak me kërkesë për shoqëritë në Kosovë dhe Serbi: S’ka të ardhme evropiane pa normalizim të marrëdhënieve, ta kuptoni këtë