Wolfgang Petriç i cili ka qenë dikur – në vitin 2007 – në këpucët e Miroslav Lajçakut, si ndërmjetëses në mes Kosovës dhe Serbisë, mendon se kthesa e mundshme e Serbisë në politikën e saj ndaj Kosovës mund të jetë e besueshme, derisa shton se tani Kosova duhet t’i përmbushë obligimet e saj, “ta themelojë Asociacionin e Komunave me Shumicë Serbe.
“Këtu po përgatitet një hap që është jashtëzakonisht i vështirë për palën serbe”, tha Petriç për agjencinë austriake të lajmeve APA.
Petriç është optimist se me planin e ri franko-gjerman është arritur një pikë nga e cila do të lëvizë diçka.
“Presionet nga të dyja palët janë të mëdha”, vlerëson ai dhe thekson se Serbia duhet të fillojë negociatat për planin franko-gjerman, e në anën tjetër Kosova ta themelojë Asociacionin e Komunave Serbe.
“U tregua edhe një herë se përparimi arrihet kur evropianët dhe amerikanët punojnë së bashku”, shtoi ai.
“Nëse fillon puna për këtë, do të ishte një përparim i madh, që nuk është arritur në rajon për shumë vite”.
Ai gjithashtu vlerëson se nuk mund të pritet që Kosova të pranohet shpejt në OKB, meqë sipas tij, pengës do jetë Rusia.
Ndërkaq të merkurën, i dërguari i Bashkimit Evropian për dialogun, Miroslav Lajçak, pas darkës me kryeministrin e Kosovës, Ablin Kurtin dhe zëvendëskryeministrin Besnik Bislimi, të mekurën në Prishtinë përmes një cicërime në Twitter ka njoftuar se kanë rënë dakord se të gjitha marrëveshjet e kaluara që janë arritur në kuadër të dialogut duhet të zbatohen plotësisht.
“U ktheva sot në Kosovë për të vazhduar diskutimet e mia të sinqerta, të hapura dhe intensive me Kryeministrin Albin Kurti dhe zëvendëskryeministrin Besnik Bislimi për hapat e ardhshëm dhe rrugën përpara për normalizimin e marrëdhënieve me Serbinë. Ne gjithashtu ramë dakord që të gjitha marrëveshjet e kaluara nga dialogu duhet të zbatohen plotësisht”, ka shkruar Lajçak.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Maqedonci para homologëve evropian: Përgjegjësit e sulmit terrorist në Banjë vazhdojnë të jenë të lirë dhe të pandëshkuar
-
SBASHK-u proteston me 1 maj, ka 11 kërkesa për Qeverinë
-
Shpresë për paqe? – Azerbajxhani dhe Armenia afër një akordi për gazin
-
Mes debatesh miratohet në Këshillin Bashkiak të Roskovecit ndërtimi i Termocentralit në Suk 1
Lajmet kryesore
-
Të ‘mbarojmë punë me Rai-n’, pastaj radha për interpelancë me Bardhin, thotë Rama
-
Bardhi thotë se Rama ka frikë nga interpelanca, radhit 4 fakte dhe shtron 4 pyetje publike për kryeministrin
-
Amerika autorizon Ukrainën të godasë Krimenë me raketa me rreze të gjatë
-
Edhe Britania e do Asociacionin sa më shpejt që të jetë e mundur
