Arkivoli i mbretëreshës Elizabeth II ka zbritur në kasafortën mbretërore në kapelën e Shën Gjergjit të Windsor-it.
Kjo, duke shënuar fundin e shërbimeve të funeralit publik të mbretëreshës.
Shërbesa përfundoi me këngën “God Save The King” dhe me një prelud të Bach-ut.
Ngjarja përfundimtare është varrimi privat i Mbretëreshës Elizabeth në kapelën e Shën Gjergjit.
Familja mbretërore do të kthehet në orën 19:30 për një funeral final, privat, larg kamerave ku do të varrosin Mbretëreshën.
Ishte një grup shumë më i vogël njerëzish në shërbimin në kapelën e Shën Gjergjit.
Ndërsa kishte disa krerë shtetesh në shërbim, duke përfshirë kryeministrin kanadez Justin Trudeau i cili sapo është parë duke u larguar nga kisha, dhe ish-kryeministra – shumica ishin staf shtëpiak nga rezidencat e Mbretëreshës.
Stafi nga Pallati Buckingham u rreshtua jashtë më herët për të parë kalimin e procesionit dhe për t’i bërë homazhet e veta Mbretëreshës, ndërsa ajo kaloi pranë memorialit Victoria.
Ajo është ish-monarkja e 11-të që varroset në kapelën në Kështjellën Windsor.
Ajo do të varroset së bashku me të atin, Mbretin George VI, Nënën Mbretëreshë dhe motrën e saj Margaret.
Burrit të saj të ndjerë, Princit Philip, do t’i zhvendoset arkivoli për t’u bashkuar me të, pas vdekjes dhe varrimit të tij vitin e kaluar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kristi Noem, zëvendësja e mundshme e Trump: Kam vrarë qenin tim, e urreva, ishte i padisiplinuar
-
Maqedonci takon homologun hungarez, flasin për sulmin në Veri dhe sigurinë në Ballkan
-
Nga Suedia në Mbretërinë e Bashkuar, një valë arrestimesh zbulon praninë e një rrjeti spiunësh kinezë në Evropë
-
Sadaf Baghbani: Kam 150 fishekë në trup, mendova se askush nuk do të më dojë më