Dhjetëra qytetarë të cilët ishin mbledhur në sheshin ‘Isa Boletini’ në Mitrovicë të Jugut pranë Urës së Ibrit kanë filluar të shpërndahen.
Ata ishin mbledhur pas thirrjeve që të mërkurën ishin bërë nga profile të ndryshme në rrjete sociale.
Qytetarët mbanin flamuj shqiptar, disa nga ta edhe flamuj me mbishkrimin e Ushtrisë Çlirimtare e Kosovës.
“Jo nuk ndahet Mitrovica”, ishte njëra prej thirrjeve të protestuesve.
Lidhur me këtë organizim kishte reaguar edhe Policia e Kosovës dhe ministri i Brendshëm, Xhelal Sveçla.
Policia bëri apel te qytetarët se pjesëmarrja në këtë nismë është e rrezikshme për shkak se nuk dihen organizatorët.
Policia e Kosovës gjithashtu kishte paralajmëruar hetime edhe për ata që shpërndajnë në rrjete sociale këtë thirrje.
Qëllimi i grumbullimit, siç kishte paralajmëruar Policia e Kosovës, ishte të marshohet në Veri të Mitrovicës.
Megjithatë, Policia e Kosovës ka krijuar kordon për të mos lejuar lëvizjen e qytetarëve në zona të tjera.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Kushtëzimi i BE-së për normalizim të raporteve me Kosovën, “s’mund ta shtyjë” Serbinë ta zbatojë Marrëveshjen Bazë
-
Raportimet e Albanian Post – PSD përuron “çeshmen e milionerëve” për nder të Liburn Aliut
-
“Evropa mund të vdesë”: Macron kërkon mbrojtje më të fortë dhe reforma ekonomike
-
Lëvizja 5 Yjet i kërkon Melonit të ‘merret me Ramën’ dhe të mbrojë RAI-n
