Ka përfunduar protesta e 17-të me radhë e opozitës serbe me sloganin e njëjtë si ato të mëparshmet “Serbia kundër dhunës”, kjo pas dy ngjarjeve tragjike që ndodhën në muajin maj në Beograd, ku mbetën të vrarë dhjetëra persona.
Pjesëmarrësit e protestës në Beograd shkuan në këmbë drejtë selisë së Radio Televizionit të Serbisë dhe ndërtesës së Trupit Rregullator për Media Elektronike (REM).
Organizatorët e protestës, që janë kryesisht nga radhët e partive opozitare dhe një pjese të shoqërisë civile, thanë se kjo protestë kishte “rrugë mediatike”, kjo për faktin se janë të pakënaqur me raportimet e RTS-së dhe sepse REM “hesht për promovimin e dhunës që vjen çdo ditë nga ekranet e vogla”.
Para të pranishmeve që kishin dalur për të protestuar mbajtën fjalime profesorë, edukatorë e studentë të cilët njëzëri pohuan se autoritetet serbe nuk kanë bërë sa duhet pas vrasjeve në shkollën fillore “Vladislav Ribnikar” më 3 maj në Beograd.
“Kanë kaluar më shumë se 100 ditë nga tragjedia e paimagjinueshme që na ndodhi, pasi u përballëm me kolapsin e plotë të sistemit arsimor shtetëror në mënyrën më brutale”, tha mësuesja e suspenduar e shkollës së mesme të Zrenjaninit, Senka Jankov, transmeton Radio Evropa e Lirë në gjuhën serbe.
Për dallim nga protesta e 16-të, këtë herë është vrenjtur një numër dukshëm më i madh i qytetarëve serbë.
Kërkesat e protestuesve janë të njëjta, përkatësisht zëvendësimi i anëtarëve të Këshillit të REM dhe drejtuesve të RTS.
Ata kërkojnë gjithashtu mbylljen e mediave të shkruara dhe anulimin e programeve dhe frekuencave televizive kombëtare që promovojnë dhunën dhe urrejtjen, si dhe largimin e Ministrit të Punëve të Brendshme të Serbisë, Bratislava Gashiç, dhe drejtorit të Agjencisë së Informacionit të Sigurisë serbe, Aleksandër Vulin – i sanksionuar së fundmi nga Thesari amerikan i Shtetit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
BQE ushtron presion mbi bankat evropiane: Largohuni menjëherë nga Rusia – Moska kërcënon me shpronësim
-
Sullivan pritet të takojë Netanyahun, i cili është nën presion politik
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Kosova dhe ShBA-ja nënshkruajnë marrëveshje kundër manipulimit të informacionit nga shtetet e huaja
Lajmet kryesore
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Promovimi i barazisë, përfshirjes sociale dhe mosdiskriminimit në Shqipëri
-
Sullivan pritet të takojë Netanyahun, i cili është nën presion politik
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit
