Përfundojnë pesë takimet e fundit në Kupën e Kosovës

Kanë përfunduar edhe pesë takimet e fundit të raundit të 1/16-ve në Kupën e Kosovës, ku favoritët arritën të kalojnë tutje.

Drita, Ferizaj, Dukagjini, Arbëria e KEK-u janë skuadrat që kaluan në rrethin tjetër të Kupës së Kosovës.

Për të kaluar në fazën e 1/8-ve, Drita vuajti jo pak, pasi që iu deshën vazhdimet për të kërkuar kualifikimin tutje ndaj Drenasit, të cilin më pas e gjetën me golin e shënuar nga Hamdi Namani në minutën e 97-të.

Ndërkohë, vazhdimet u nevojitën edhe në ndeshjen mes Flamurtarit dhe Ferizajt, e cila përfundoi pa gola gjatë 90 minutave të rregullt të takimit.

Por, në këtë ndeshje ferizajasit arritën ta fitojnë gjatë vazhdimeve, duke shënuar dy gola.

Dukagjini ka fituar me rezultat të thellë 0:4 te Liria e Prizrenit, duke kaluar kështu me lehtësi në fazën tjetër të kësaj gare.

Ndërkohë fitore të thellë ka marrë edhe Arbëria që ka mposhtur Vitinë me rezultat 4:0.

Ndërsa edhe KEK-u ka vazhduar tutje pas fitores minimale 1-0 ndaj Trepçës.

Kujtojmë që skuadrat tjera që u kualifikuan të mërkurën janë: Prishtina, Ballkani, Gjilani, Drenica, Llapi, Malisheva, Fushë Kosova, 2 Korriku, Ramiz Sadiku, Ulpiana dhe Onix.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.