Të martën e 6 tetorit, Gjykata Themelore në Prishtinë e ka dënuar me vetëm 20 vjet burgim, Goran Stanishiçin, pasi u shpall fajtor për vrasjen e 13 civilëve në fshatin Sllovi të Lipjanit gjatë luftës në Kosovë (1998-1999).
Dënimi ishte krejtësisht në shpërputhje me veprën e kryer. Por, kjo ndodh pasi që në Kosovë vazhdon të aplikohet Kodi Penal i Jugosllavisë, ndaj autorëve të krimeve të luftës.
Dënimet e këtyre kriminelëve në Kosovë shqiptohen duke u bazuar në kohën e kryerjes së veprave penale, prandaj burgimi i Stanishiçit u shqiptua vetëm më 20 vjet dhe në përputhje me Kodin Penal të Jugosllavisë në periudhën 1998-1999.
Juristi Arbër Jashari, shpjegon se nëse Gjykata do të merrte një vendim më afatgjatë, do të ishte në kundërshtim me parimet kushtetuese.
“Gjykatat e Kosovës e kanë të pamundshme, ligjërisht të shqiptojnë dënime më të larta se ato që kanë qenë në fuqi, në kohën e kryerjes se veprave penale, pasi që një gjë e tillë do të ishte në kundërshtim, me parimet kushtetuese dhe ligjore mbi të cilat është ndërtuar drejtësia penale në Kosovë”, pohon Jashari për Albanian Post.
Janë dy nene të cilat e ndalojnë dënimin më të lartë ndaj Stanishiçit.
“Sipas nenit 7 të Konventës Evropiane për të Drejtat e Njeriut, e cila është e zbatueshme drejtë për drejtë, në të drejtën pozitive, askujt nuk mund të jepet një dënim më i rëndë se ai që ishte i zbatueshëm në momentin kur është kryer vepra penale”.
Përveç kësaj, ngjashëm “thekson edhe neni 33 i Kushtetutës së Republikës së Kosovës, sipas të cilit: Dënimi i shqiptuar për vepër penale, nuk mund të jetë më i ashpër, se sa ka qenë i përcaktuar më ligj, në kohen e kryerjes se veprës penale”, është shprehur Jashari.
Por, ai thekson se është e çuditshme se si për krime kaq të rënda ka dënime kaq të lehta.
“Për mu si jurist, është pak e habitshme, se si ish-shteti jugosllav, për krime kaq të rënda, ka paraparë, dënime kaq të lehta, e të cilat as për së afërmi nuk përkojnë me peshën e veprave penale”, deklaron ai.
Edhe, avokati Arianit Koci, në një prononcim për Albanian Post thotë se ky kod penal detyrueshëm vazhdon të jetë në fuqi, meqenëse krimet e luftës në Kosovë janë kryer në atë kohë.
“Në Kodin Penal të Jugosllavisë, më herët ka ekzistuar dënimi me vdekje. Në ndërkohë, i njëjti është suprimuar dhe ka mbetur si alternativë dënimi prej 20 viteve si dënim maksimal. Kjo është koha kur Stanishiçi i ka kryer krimet”, thotë ai.
Prandaj, Stanishiç, mori dënimin më kapital, por i përcaktuar në atë kohë, prandaj ia hodhi me vetëm 20 vjet burgim.
Kjo nuk ndodh vetëm në Kosovë. Secili vend i rajonit që përjetoi luftën, krim-kryerësit i dënon po me atë kod, si rregull universal i sistemeve të drejtësisë, ku autori gjykohet për kohën kur ka kryer krimin dhe dënohet me ligjet e kohës.
“Dhe sipas kodit të asaj kohe rastet e krimeve të luftës nuk e kalojnë limitin ligjor prej 20 vite burgim – sepse në atë kohë ky ishte dënimi maksimal që mund të shqiptohej”, deklaron Koci.
Gjatë luftës së fundit në Kosovë, më 1998-1999, janë vrarë rreth 13 mijë e 500 persona, shumica dërrmuese shqiptarë, ndërsa mbi 1 mijë e 600 persona vazhdojnë të jenë të zhdukur.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti për zgjedhjet e jashtëzakonshme: Opozita duhet të bëhet gati, ne jemi gjithmonë
-
Gërdeci/ Rrëzohet kërkesa për riekspertim ekonomiko-financiar, Mediu: Po kërkohet një kokë turku
-
Dy ditë para përfundimit të regjistrimit të popullsisë, dy komuna kërkojnë shtyrjen
-
Miqësia ‘pa kufi’ Putin-Xi do të vihet në provë gjatë vizitës shtetërore në Kinë
Lajmet kryesore
-
Kurti për zgjedhjet e jashtëzakonshme: Opozita duhet të bëhet gati, ne jemi gjithmonë
-
Gërdeci/ Rrëzohet kërkesa për riekspertim ekonomiko-financiar, Mediu: Po kërkohet një kokë turku
-
Miqësia ‘pa kufi’ Putin-Xi do të vihet në provë gjatë vizitës shtetërore në Kinë
-
Krerët e shtetit po e “armatosin” Serbinë me mundësi për “ofensivë diplomatike” kundër Kosovës, thotë Haziri