Peleshi: Rijetësimi i industrisë ushtarake, synim strategjik – NATO hartoi raport për gjendjen e uzinave

Ministri i Mbrojtjes në Republikën e Shqipërisë, Niko Peleshi, në interpelancën e zhvilluar në Kuvend me kryetarin e Komisionit të Sigurisë Kombëtare, Nasip Naço, deklaroi se rijetësimi i industrisë ushtarake është synim strategjik.

Peleshi tha se nevoja për të vënë në punë industrinë e vjetër ushtarake se ka lindur pas ndryshimeve gjeopolitike.

Për ministrin është detyrim që Shqipëria ynë si anëtar i NATO-s të rrisë armatimet dhe municionet.

“Jemi në një epokë si aleatë në NATO duhet të përgjigjemi duke rijetëzuar industrinë ushtarake. Do jetë një proces që ka synim të nxisë zhvillimin teknologjik në një bashkëpunimi me aktorë ndërkombëtar, privat apo shtet aleate dhe partnere”.

Peleshi shpjegoi se me ndihëm e Agjencisë së Prokurimit Publik të NATO-s është hartuar një raport mbi vlerën dhe gjendjen e objekteve të industrisë ushtarake në Shqipëri.

Sipas tij, ky raport i ka qartësuar edhe me nevojat që ka tregu.

“Kemi pasur një mënyrë jo shumë profesionale të tërheqjes se investitorë potencial duke qenë të hapur, por ju shumë të qartë se cila është vlera e asteve tona dhe kërkesa globale për municione. Nga tetori 2022 kemi kërkuar bashkëpunim e Agjencisë së Prokurimeve të NATO-s, i kërkuam të hartojë një raport, parafizibilitet që të dimë se ca kemi, vlerës, linjat të prodhimit, por edhe të kërkesave të tregut. Dimë vlerën e asteve, kërkesën globale dhe mund të orientohemi më mirë për të vendosur se ca game produktesh duhet të marrin mbështetje”.

Ai paralajmëroi edhe disa ndryshime ligjore.

“Duhet bazë ligjore e re. Ndërmarrjet shtetërore nuk janë shoqëri aksionere dhe kanë ngërçe në mënyrën se si operojnë. Jemi duke punuar për të ndërtuar një ligj rregullator dhe për të parë formën juridike më të mirë, më të përshtatshme me tregun dhe kërkesat e investitorëve vendas apo të huaj”.

Peleshi e nisi fjalën e tij me faktin se “Shqipëria ka qenë një nga vendet më të militarizuar në botë, në mos më i militarizuari, në periudhën komuniste”.

“Ne shpenzonim deri në 25% të PBB-së për ushtrinë, për mbrojtjen. Kemi kaluar një periudhë gjigantomane, por edhe të një paranoje kombëtare, gjë që mbështeti këtë militarizim ekstrem”, tha Peleshi.

Ai u shpreh se kanë kaluar më shumë se 30 vite, dhe një pjesë e madhe tashmë jo vetëm e municioneve, por e infrastrukturës është një rëndesë, është një çështje për t’u zgjidhur, një sfidë për t’u adresuar, për t’u përshtatur me strategjitë e reja.

“Filluam me mbështetjen e SHBA-së, OSBE-së dhe NATO-s një periudhë demilitarizimi, pra kaluam në ekstremin tjetër, demilitarizimin e kësaj rezerve edhe të rrezikshme tashëm, pasi duke qenë se ushtria u zvogëlua, ruajtja, mirëmbajtja, garantimi, siguria e tyre u bë një sfidë më vete, e papërballueshme, gjë që përbënte dhe kërcënim edhe për sigurinë e qytetarëve tanë”.

Në fjalën e tij Peleshi tha se Ministria e Mbrojtjes ka në përbërje të saj si trashëgimi edhe 3 ndërmarrje shtetërore që përbëjnë atë që quhet ish-industria ushtarake e Republikës së Shqipërisë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.