Ministri i Mbrojtjes, Niko Peleshi, mesditën e 3 gushtit njoftoi se është neutralizuar zjarri në fshatin Delisuf, Vlorë.
Ndërkohë Peleshi bëri me dije se vazhdon ndërhyrja e trupave mbi fshatin Dukat, që ka mundësuar reduktimin e zjarrit dhe eliminimin e rrezikut të banesave.
Nga ana tjetër problematik ngelen vatrat e zjarrit në gadishullin e Karaburunit.
Po punohet gjithashtu edhe për evitimin e përfshirjes së parkut të Llogarasë nga flakët.
“Parku i Llogarasë ndodhet ende dy kilometra larg, por duam të shmangim me çdo kusht shtrirjen e zjarrit në park”, deklaroi më herët Peleshi.
Për sa i përket mjeteve të ndërhyrjes nga ajri, Shqipëria deri sot ka funksionuar me vetëm një helikopter ndihmës nga ajri. Por, me nisjen e operacioneve të reja, ata do të bëhen tre.
E njëjta gjë do të ndodhë edhe me forcat në terren, të cilat do të shumëfishohen.
Operacionet e para kanë filluar që në agim, në zonën e Dukatit. Mbi 200 trupa kanë qenë të angazhuar në Vlorë deri tani dhe rreth 80 në qarkun Fier. Fluturime me helikopter për hedhjen e ujit nga ajri ka pasur 93.
Mbi vënien në kontroll të flakëve, projeksionet e para ende pritet të bëhen nga specialistët.
Vatrat e zjarrit janë në një betejë gati 10-ditore, mes përpjekjeve të autoriteteve për t’i vënë nën kontroll dhe rindezjes nga faktori i erës.
Zjarri nuk ka kursyer as Gjirokastrën dhe Divjakën në fillim të kësaj jave.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mazhoranca miraton projektligjin për punën e detyruar të studentëve të mjekësisë
-
Seanca plenare nis me 1 minutë heshtje në nderim të ish-deputetit Gerti Bogdani
-
Dorëhiqet anëtarja e Gjykatës Kushtetuese, Elsa Toska
-
Dumani me Prokurorin e Përgjithshëm të Zvicrës: Strategji kundër krimit të organizuar dhe korrupsionit
Lajmet kryesore
-
Dumani me Prokurorin e Përgjithshëm të Zvicrës: Strategji kundër krimit të organizuar dhe korrupsionit
-
Dorëhiqet anëtarja e Gjykatës Kushtetuese, Elsa Toska
-
Mossad mashtroi dhe befasoi Hezbollahun duke hedhur në erë pagerët
-
Kurti kërkon zbatimin e Marrëveshjes Bazë pa vonesa: Në thelb të saj është së paku njohja reciproke