Peja ka triumfuar në derbin e javës së 24-të, duke e mposhtur në udhëtim Golden Eagle Yllin me rezultat 78:95.
Pas epërsisë së mysafirëve prej gjashtë pikësh, çereku i parë ishte kryesisht i barabartë, por në fund gjashtë pikë radhazi nga pejanët bën që kjo pjesë të përfundojë 18:24.
Pejanët vazhduan me lojë të mirë dhe bindëse në periudhën e dytë, duke ngritur epërsinë edhe më shumë, që shkoi deri në 19 pikë, ndërsa në pushim shkuan me shifrat 35:52.
Në pjesën e dytë vendasit tentuan rikthimin, por pejanët nuk e lejuan një gjë të tillë dhe triumfuan 78:95.
Wesley Washpun dhe Henrik Sirko shënuan nga 15 pikë për therandasit, kurse te mysafirët u dalluan Arian Qollaku me 18 pikë e shtatë kërcime dhe Brad Waldow me 13 pikë e 11 kërcime.
Të dy skuadrat kanë nga 17 fitore e shtatë humbje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
KSHZ: Dalja në zgjedhje presidenciale është 12.87 për qind, në zgjedhjet parlamentare 13.69 për qind
-
Qendrat italiane në Shqipëri, Medihospes fiton kontratën e 133 milionë eurove
-
Brenda ekstremit të djathtë të Gjermanisë
-
Kurti e cilëson “absurde” kërkesën e Francës dhe Gjermanisë për dërgimin e draftstatutit të Asociacionit në Kushtetuese para anëtarësimit në KiE
