Barcelona e siguroi titullin kampion në fushën e Espanyol-it, pas fitores 2:4. Pra, festa e katalanasve filloi aty, por nuk zgjati shumë pasi disa tifozë kundërshtar hynë në fushë në tentim për t’i sulmuar ata.
Kjo bëri që lojtarët e Barcelonës të iknin shpejt drejt dhomave të zhveshjes derisa policia po ndërhynte për t’i larguar tifozët.
Lidhur me këtë ka folur edhe mesfushori i Barcelonës, Pedri, i cili ka thënë se kishte frikë në ato momente.
“Ne po festonim. Nuk e bëmë për mungesë respekti. Po bënim rrethin dhe dikush më tha ‘ik, vrap’ dhe unë vrapova më shumë në atë moment se në pjesën tjetër të lojës”, tha Pedri në një intervistë për “Marca”.
“Kishim frikë, sepse tuneli ishte i ngushtë dhe të gjithë rrëshqitën. Përveç Carles Naval, delegatit tonë, i cili vazhdoi të ecte sikur të mos kishte ndodhur asgjë”, shtoi mesfushori i katalanasve.
Pedri u pyet edhe për një rikthim të mundshëm të Lionel Messi-t, i cili tha se “Do të dëshitornte që ai të rikthehej, por kjo varet nga klubi.
Mes tjerash, adoleshenti spanjoll komentoi edhe Ligën e Kampionëve të këtij sezoni, i cili dëshiton që Manchester City ta eliminon Real Madrid-in.
“Unë nuk do t’ju them se preferoj të kalojë Madridi. Unë preferoj që City të kalojë. Përveç kësaj, më pëlqen loja e Guardiola-s”, ishin disa nga fjalët e talentit spanjoll.
Kujtojmë që Pedri pati një sezon fantastik me fanellën e Barçës në këtë edicion, i cili ishte një nga lojtarët më të përdorur nga trajenri Xavi.
Ai në total luajti në 37 ndeshje në të gjitha garat, prej të cilave shënoi shtatë gola dhe dhuroi një asistim.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
