Peci: Ministria e Bujqësisë do të ketë buxhetin mbi 70 milion euro në vitin 2022

Ministri i Bujqësisë, Pylltarisë dhe Zhvillimit Rural (MBPZhR), Faton Peci ka thënë se ministria që ai drejton për vitin 2022 do të ketë buxhetin 71 milionë euro.

MBPZhR-ja ka funksionuar për tetë vite pa politika dhe pa strategji, ka thënë Peci dhe se ministria për atë periudhë kishte akumuluar një borxh prej 40 milionë euro të cilin ka arritur të eliminoj në më pak se një vit qeverisje.

“Ministria e Bujqësisë për 8 vite ka funksionuar pa politika dhe strategji, ku nuk janë implementuar ligje dhe punë në kuadër të punëve brenda ministrisë. Ka pasur edhe shumë borxhe me 40 milionë euro. Gjithashtu, ka pasur arrestime lidhur me keqpërdorimet e shumta. Në kuadër të punëve tona jemi duke punuar në avancimin e pyjeve”.

Ndryshimet globale dhe efektet e pandemisë janë shkaktarët e ngritjes së çmimeve tha Peci serinë e debateve në FOL Hapur të organizuar nga Lëvizja FOL.

“Rritja e çmimeve të produkteve është si rezultat i ndryshimeve globale dhe efekti i pandemisë. Efekti i vaksinës dhe lirimi i masave nuk ka mund me ndjek nevojën e konsumit, dhe pashmangshëm kemi mund me i ikë rritjes së çmimeve dhe nivelit të inflacionit e sasia e importit ka ndikuar në rritjen e inflacionit”.

Ministri ka folur edhe për Projektligjin e sigurisë së ushqimit, ku deklaroi se synim kryesor i ministrisë është rritja e kontrolleve dhe siguria e qytetarëve.

“Projektligji për sigurisë së ushqimit përveç sigurisë së saj ka rëndësi edhe të importeve nga jashtë dhe ku synimi jonë është rritja e kontrolleve, dhe një mori gjërash që qytetarët të ndihen të sigurt”.

Tutje Peci tha se gjatë këtij viti do të shpërndaj fermerëve subvencione. Shuma për këtë përkrahje është disa milionë euro.

“Këtë vit përkrahja për fermerët është 53 milionë euro”.

“Ne kemi një plan të precizuar sa i përket punës. Sidomos Ligji për pyjet dhe menaxhimi i tyre i është bartur komunave dhe nga vlerësimet e ekspertëve bie që nuk ka reflektuar pozitivisht dhe kemi një degradim të prerjeve të tyre”.

Sa i përket kritereve të përkrahjes së bujqve, duke përmend edhe fondet e IPA-s, Peci ka deklaruar se nuk kanë qaje në ato fonde si rezultat i keqpërdorimeve të shumë fondeve në ministri.

14 inspektorë janë në arrest shtëpiak sa i përket keqpërdorimit të fondeve dhe subvencioneve në (MBPZhR), deklaroi Peci.