I deleguari i posaçëm i Mbretërisë së Bashkuar, Stuart Peach, të mërkurën do të ketë një vizitë zyrtare në Serbi.
Kështu të paktën ka bërë të ditur e përditshmja serbe, Danas.
Peach gjatë qëndrimit të tij në Serbi pritet të takohet me zyrtarët e lartë shtetëror të vendit.
Diplomati britanik i cili do të qëndrojë për dy ditë në Beogradi, fillimisht do të takohet me presidentin e Serbisë, Aleksandër Vuçiç e më pastaj me kryeministren Ana Bërnabiç.
Sipas mediumit serb, tema kryesore e takimeve të cilat do t’i realizoj Peach do të jenë bisedimet ndërmjet Kosovës dhe Serbisë.
Përpos dialogut Peach do të diskutojë edhe për situatën në Ballkanin Perëndimor dhe marrëdhëniet ndërmjet Serbisë dhe Britanisë së Madhe.
Peach, u emërua si i dërguari i pari special i Mbretërisë së Bashkuar për Ballkanin Perëndimor në dhjetor të vitit të kaluar.
Ai e vizitoi Beogradin në shkurt të këtij viti.
Megjithatë në shkurt Peach, përpos vizitës në Beograd realizoi edhe një vizitë në Prishtinë.
E vizita e tij në shkurt të këtij viti nga njohësit e marrëdhënieve ndërkombëtare u lexua si një tentim për të rigjallëruar politikën e jashtme britanike, post BREXIT.
Rëndësia e Mbretërisë së Bashkuar për Ballkanin Perëndimor dhe në veçanti për dialogun Kosovë-Serbi është strategjike, marrë parasysh investimin e saj që Kosova të bëhet jo vetëm një shtet i pavarur, por të integrohet plotësisht në organizatat ndërkombëtare, patën thonë ata për Albanian Post.
Ndërsa vizita e paralajmëruar e Peach në Beograd, vjen në dritën e tensioneve të fundit ndërmjet Kosovës dhe Serbisë, kjo pasi që Qeveria e Kosovës filloi implementimin e dy prej vendimeve të saj – atë për konvertimin e targave ilegale në RKS dhe reciprocitetit me kartat e identitetit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Sanduloviç, Hill-it: Të turproheni nga vetja – keni arritur ta rrëzoni vetën dhe Amerikën
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Rikonfirmohet mbështetja e pakusht e Kosovës ndaj Ukrainës kundër agresionit rus
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti kërkon nga Baerbock vazhdimin e mbështetjes së Gjermanisë për anëtarësimin e Kosovës në KiE