I dërguari special i Britanisë së Madhe për Ballkanin Perëndimor, Stuart Peach, në një intervistë të dhënë për Radio Televizionin britanik, BBC, ka theksuar se roli i tij si emisar është mbështetja e dialogut Kosovë-Serbi.
“Roli i Bashkimit Evropian është ta udhëheq dialogun, dhe unë ta mbështes atë”, ka thënë shkurt Peach
Për ish-ushtarakun britanez i cili tashmë është veshur me petkun e një diplomati, suksesi në dialog do të ishte çdo zgjidhje që do të sjellë diçka të mirë për të gjithë Gadishullin Ballkanik.
Sipas Peach, njohja reciproke në mes të Kosovës dhe Serbisë si zgjidhje përfundimtare e ngërçit politik në mes të dy vendeve, është një çështje për tu biseduar.
“Kjo është diçka që ne do ta prisnim, qeveria britanike e ka njohur Kosovën. Por unë nuk dua të vendos kufij të tillë këtu në Beograd, kjo varet nga të tjerët, dhe ne do të jemi në prapavijë dhe do ta mbështesim procesin”, ka shtuar ai.
Emisari britanik gjatë intervistës ka bërë të ditur se është takuar disa herë me të dërguarin special të Shteteve të Bashkuara të Amerikës për Ballkanin Perëndimor, Gabriel Escobar dhe emisarin e BE-së për dialogun Kosovë-Serbi, Miroslav Lajçak, për të diskutuar për çështjet e rajonit.
“Britania e Madhe mbështet rrugën euroatlantike të rajonit dhe kjo rrugë mbetet prioritet për qeverinë tonë dhe në atë rrugë ka një të ardhme më të mirë për të gjithë popujt e rajonit, pavarësisht çështjeve të hapura”.
Ai madje ka hedhur poshtë të gjitha akuzat e Presidentit të Serbisë, Aleksandër Vuçiç, i cili e kishte akuzuar ish-ushtarakun britanik se vet ai qëndron prapa veprimeve të Policisë së Kosovë në komunat veriore me shumicë serbe në shtator të vitit të kaluar.
“Unë i hedh poshtë të gjitha akuzat – prania ushtarake e Britanisë në rajon shërben për të mbështetur BE-në në Bosnje dhe NATO-n në Kosovë”, ka shtuar ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vendimi i Apelit ndaj Gucatit e Haradinajt shpallet sot
-
Drejtori i RTK-së aktivist i Vetëvendosjes – kryetari i Bordit që e zgjodhi thotë që “nuk më bën përshtypje”
-
Krasniqi: Asociacioni të themelohet veç si pjesë e marrëveshjes finale, Kurti është peng i të kaluarës së tij
-
Tahiri për Kurtin: Të gjithë po presim vendime për Asociacionin, në negociata po “luan” në mbrojtje
Lajmet kryesore
-
Linda Rama, distanca higjenike nga fuqia e së keqes dhe mungesa e ndërgjegjjes
-
Shqipëria vijon progresin në matjet e Indeksit të Demokracisë
-
Ukraina nuk mund ta rimarrë Krimenë së shpejti, thotë Pentagoni
-
Drejtori i RTK-së aktivist i Vetëvendosjes – kryetari i Bordit që e zgjodhi thotë që “nuk më bën përshtypje”
