“Komisioni në mbledhjen e tij, siç parashikon statuti, ka miratuar listën e kandidatëve për kryesinë e PD-së”.
Kryetari i Partisë Demokratike, Sali Berisha në një prononcim për mediat pas përfundimit të mbledhjes me anëtarët e Komisionit të Rithemelimit, bëri me dije se kanë miratuar listën e anëtarëve të rinj të Kryesisë e cila do të zgjidhet nesër nga Këshilli Kombëtar i kësaj partie.
“Janë propozuar kandidatura me kredenciale të shkëlqyera politike dhe kandidatura të reja”.
Sipas tij, anëtarët e Këshillit Kombëtar do të kenë mundësi që të zgjedhin me kandidatura alternative Kryesinë e PD-së.
Emrat që bien në sy janë Belind Këlliçi, Flamur Noka, Klevis Balliu, Çlirim Gjata dhe Oerd Bylykbashi, funksionarë të cilët u pezulluan më parë nga ish-kryetari Lulzim Basha, pas përplasjes me këtë të fundit.
Nga emrat të cilët janë aktualisht anëtarë kryesie janë përsëri në garë Enno Bozdo, Flamur Noka dhe Oerd Bylykbashi.
Kjo lëvizje e Berishës, erdhi pesë ditë pas zyrtarizimit të Berishës në krye të demokratëve.
Ai e ka rimarrë drejtimin e Partisë Demokratike pas 9 viteve.
Në zgjedhje, Berisha fitoi 93.45% të votave në të gjitha degët e Partisë, duke mundur kështu kandidatin tjetër dhe të vetmëm, Ibsen Elezi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Robinson nga Tirana: Po bëni hapa të guximshëm për reforma të vështira
-
Nasip Naço: Në SPAK u thirra për çështjen CEZ-DIA
-
Ushtarët e Evropës vazhdojnë të largohen, pikërisht kur NATO ka nevojë për ta
-
Kurti për propozimet mbi dinarin: S’e bëj dot zëdhënësin e ambasadave – s’ndodhi apokalipsi që e parashikuan