Përmes një cicërime në Twitter, ministri i Punëve të Jashtme të Greqisë, Nikos Dendias, ka treguar se ka biseduar përmes telefonit me Miroslav Lajçak, i dërguari special i Bashkimit Evropian për dialogun Kosovë-Serbi.
“Sot kam zhvilluar një bisedë telefonike me Miroslav Lajcak dhe e kam informuar për vizitën time të fundit në Prishtinë”, ka shkruar Dendias.
Se çka saktë ka biseduar me Lajçakun, Dendias nuk e ka bërë publike, por ka thënë se ishte bisedë e rëndësishme.
“Diskutim në kohë të dobishëm për zhvillimet më të fundit lidhur me Dialogun Beograd-Prishtinë”, ka shkruar Dendias në Twitter.
I held a telephone conversation today with the #EUSR, @MiroslavLajcak and briefed him on my recent visit to #Pristina. Timely discussion on the latest developments regarding the Belgrade – Pristina Dialogue. pic.twitter.com/TxHdG8aoWF
— Nikos Dendias (@NikosDendias) March 13, 2023
Presidentja, Vjosa Osmani, pas takimit me Dendias, ka thënë se e vlerëson angazhimin proaktiv të Greqisë në rajon si dhe mbështetjen e vazhdueshme të shtetit grek për integrimin e rajonit në Bashkimin Evropian.
Ndërsa në lidhje me zhvillimet e fundit në procesin e dialogut me Serbinë, Osmani ka theksuar se plani i zbatimit të marrëveshjes duhet të jetë në përputhje me Kushtetutën e Republikës, e cila do t’i kontribuojë paqes dhe stabilitetit afatgjatë në rajon, gjersa ka ritheksuar se koordinimi i Kosovës me aleatë në këtë proces do të vazhdojë.
Diskutimet e Dendias me krerët institucionalë fokus kishin zhvillimet e fundit në dialogun Kosovë-Serbi dhe perspektivën evropiane të Ballkanit Perëndimor.
Ndonëse Greqia është njëra nga pesë shtetet e Bashkimit Evropian e cila refuzon ta njohë pavarësinë e Kosovës, e njëjta është e interesuar për mbarëvajtjen e dialogut Kosovë-Serbi dhe dominimin e një atmosfere paqësore në Ballkanin Perëndimor, në veçanti në Kosovë.
Mediat greke në vazhdimësi kishin theksuar se Greqia i kushton rëndësi parësore konsolidimit të paqes, sigurisë dhe stabilitetit në rajonin e Ballkanit Perëndimor dhe mbështet vazhdimin e dialogut në favor të një zgjidhjeje të dakorduar reciprokisht të çështjeve të pazgjidhura, përfundimtare dhe ligjërisht të detyrueshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nisma Socialdemokrate kërkon që opozita të thërras seancë për shkarkimin e Qeverisë: Krasniqi zgjodhi të dakordohet me Kurtin
-
Sulm në autokolonën e burgut, dy oficerë francezë të vrarë në një pritë pranë Normandisë
-
Shtyhet – sërish – seanca për Berishën në GJKKO
-
QUINT-i: Ndalimi i hyrjes së Patriarkut Porfirije në Kosovë në kundërshtim me Planin e Ahtisaarit
Lajmet kryesore
-
LDK-ja s’e pranon “instrumentalizimin” e opozitës: Dorëheqja e Kurtit duhet t’i paraprijë datës së zgjedhjeve
-
Shtyhet – sërish – seanca për Berishën në GJKKO
-
Sulm në autokolonën e burgut, dy oficerë francezë të vrarë në një pritë pranë Normandisë
-
Blinken i thotë Zelenskyt se ndihma ushtarake amerikane është rrugës