Të dielën e 2 dhjetorit është arrestuar ish-drejtori i burgut të Fushë Krujës, Durim Troka.
52 vjeçari u arrestua në Pogradec për akuzën e dhunës në familje dhe armëmbajtjes pa leje. Sipas policisë, ai pasi dyshohet se ka ushtruar dhunë ndaj bashkëshortes së tij, e cila u pajis me urdhër mbrojtjeje.
Specialistët për Hetimin e Krimeve të Komisariatit të Policisë Pogradec arrestuan në flagrancë shtetasin D. T., 52 vjeç, banues në fshatin Piskupat, Pogradec, pasi dyshohet se ka ushtruar dhunë ndaj bashkëshortes së tij, e cila u pajis me urdhër mbrojtjeje. Gjatë kontrollit të ushtruar në banesën e tij iu gjet një armë zjarri tip pistoletë me municion luftarak, të cilën 52-vjeçari e posedonte pa leje.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme”, njofton policia.
Durim Toska u shkarkua si drejtor i burgut nga ministri i Drejtësisë Ulsi Manja, siç u bë e ditur në një njoftim për shtyp, “duke e bazuar vendimin në kritere etike dhe ligjore të cënuara nga Durim Toska”.
Në vend të Toskës, në postin e drejtorit të burgut të Fushë Krujës është komanduar Erion Laskaj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
