Pas reagimit të Ramës, drejtuesi i Report thotë se do të ketë emision tjetër rreth Shqipërisë
Rajmonda Basha
23.04.2024 21:42“Është shpifja më skandaloze për Shqipërinë”.
Me këto fjalë e përkufizon kryeministri shqiptar Edi Rama hetimin e emisionit investigativ Report, të transmetuar të dielën në Rai 3, kushtuar marrëveshjes mes Shqipërisë dhe Italisë për ndërtimin e dy pritjeve për emigrantët.
Rama nënvizon se “një transmetues i paguar nga taksat italiane është bërë protagonist i një episodi të turpshëm shpifjeje ndaj Shqipërisë, siç ndodhi në vitet kur shqiptarët u shfaqën në mediat italiane vetëm si vrasës, trafikantë, prostituta dhe hajdutë, dhe Shqipëria prezantohej si djepi i krimit në Evropë”.
Raporti ka vënë në shënjestër një nga bashkëpunëtorët e tij më të ngushtë, Engjëll Agaçi, sekretar i përgjithshëm i Këshillit të Ministrave.
Agaçi, i cili deri në vitin 2013, kur mori postin e tij qeveritar, ishte pronar i një studioje të njohur ligjore në Romë, “u etiketua si avokati i besuar i shumë trafikantëve shqiptarë të drogës” u rikthye në Shqipëri, ku do të kishin kryer dënime më të lehta ato të imponuara në Itali.
Sipas Edi Ramës, versioni i Agaçit nuk është konsideruar asnjëherë nga programi Rai.
“Me paturpësi epike ai nuk publikoi asnjë nga përgjigjet e dërguara me shkrim”, nënvizon Rama.
Në përgjigje të kësaj, gazetari Sigfrido Ranucci thotë se “Engjëll Agaci konfirmoi me fakte atë që thamë”, raporton faqja online “Open”.
“Në email-in e përgjigjes nga Agaçi, të cilit i kishim kërkuar disa fakte, ai konfirmoi se ishte avokat i disa trafikantëve të drogës dhe se kishte kontribuar që kur ishte këshilltar ligjor i Ramës, në zbatimin e protokollit”, thotë gazetari.
“Gjithçka që thamë është në letër dhe është nga një burim i dokumentuar”, përfundon Ranucci, duke bërë të ditur se të dielën e ardhshme programi do t’i rikthehet çështjes.
Çfarë ndodhi?
Kryeministri i Shqipërisë, Edi Rama, reagoi për të parën herë zyrtarisht rreth një dokumentari nga media shtetërore italiane Rai 3, në të cilën paraqiteshin argumente për inkriminimin e shtetit shqiptar, lidhjet me kupola mafioze të Qeverisë, si edhe përfshirjen e zyrtarëve të lartë në vepra madhore korruptive.
Por, për Ramën, ky emision ka pasur brenda tij vetëm shpifje dhe ai vetë, ka thënë se është skandalizuar nga qasja kriminale editoriale.
Kështu ka reaguar kryeministri lidhur me çështjen, për gazetën Shqiptarja.com.
Nga ana tjetër, pas publikimit të mediave italiane se ka pasur një telefonatë të tërbuar me drejtorin e Rai 3, Rama e ka mohuar këtë. Por, pranoi se ka pasur një kërkesë për telefonatë lidhur me atë që ai e quan si “shpifjen më skandaloze të emisionit Report”.
Vetë emisionin dhe gazetarin përgjegjës ndërkaq, e ka akuzuar se nuk ka pasqyruar në rrëfim përgjigjet e ardhura nga Engjëll Agaçi, Sekretari i Përgjithshëm i Këshillit të Ministrave, i cili përflitet në emision.
“Një episod për Shqipërinë e parë me sytë e shpifësve të mirënjohur të Tiranës dhe ku gazetari italian, me një paturpësi epike jo vetëm që nuk publikoi në emision asgjë nga përgjigjet me shkrim të pyetjeve të tij po me shkrim, dërguar Sekretarit të Përgjithshëm të Kryeministrisë, po edhe u shfaq në një kanal ujërash të zeza në Tiranë ku foli për refuzimin e viktimës së tij për të dhënë përgjigje!”, argumenton kreu i Qeverisë.
Nga ana tjetër, për Sekretarin e Përgjithshëm të Këshillit të Ministrave, Engjëll Agaçi, i cili është një personat e përfolur si ushtrues i korrupsionit në dokumentar, Rama tha se do të ngrejë një padi penale për shpifësin dhe madje edhe i ka kthyer përgjigje me shkrim gazetarit italian në kohën e kërkuar.
“Kërkesa për telefonatën, lidhej vetëm me këtë fakt të dokumentuar dhe të tmerrshëm për një ekran që paguhet nga taksat e italianëve dhe që u angazhua në një episod të turpshëm baltosjeje të Shqipërisë, siç ndodhte në vitet kur në median italiane shqiptarët shfaqeshin vetëm si vrasës, trafikantë, prostituta dhe hajdutë, ndërsa Shqipëria si foleja e krimit në Evropë”, vijon më tej Rama.
Ndër të tjera, Rama shton në reagim se ai ka vite pa u skandalizuar në të tillë formë nga një qasje kriminale në emër të lirisë së medias.
Por, e përsërit se me drejtorin e Rai 3 nuk ka pasur asnjë telefonatë të tërbuar, por një bisedë të qetë.
“Kisha vite pa u skandalizuar me këtë qasje kriminale në emër të lirisë së medias, por e përsëris, nuk pata asnjë telefonatë të tërbuar me drejtorin e RAI3, me të cilin munda të flas krejt qetësisht vetëm pas gënjeshtre të radhës, që kishte dalë edhe në La Repubblica (e cila e fshiu gënjeshtrën) dhe në Syrin e ujërave të zeza të Tiranës, ku natyrisht për vetë natyrën e misionin e kanalit, gënjeshtra mbeti me shoqet e saj të panumërta në tubacionin e jashtënxjerrjeve të armiqve të betuar të çdo suksesi të Shqipërisë”, përmbyll kryeministri.