City Football Group (CFG) ka zgjeruar portofolin e klubeve që zotëron. Grupi që kontrollon skuadrën e Manchester City-t, së fundmi bleu aksionet e klubit italian të Palermo-s. Por, duket se ata nuk u ndalen me aq dhe tani kanë arritur marrëveshjen për një tjetër klub.
Sipas prestigjozes “Goal”, CFG ka bërë ofertën në shifrën e 135 milionë eurove për të marrë nën kontroll 90% të aksioneve të Esporte Club Bahia.
Presidenti aktual i klubit, Guilherme Bellintani do të qëndrojë në krye të klubit. Ndërsa, CFG do të mbulojë dhe pjesën e borxhit prej 58 milionë eurosh.
Në mars, CFG kishte ofruar 181 milionë euro për të blerë një tjetër klub brazilian, Atletico Mineiro. Megjithatë negociatat nuk duket se janë në fazë të avancuar tashmë.
Në prilli, grupi u tërhoq nga blerja e klubit holandez të NAC Breda, pavarësisht se marrëveshja ishte e mbyllur. Ata morën menjëherë Palermo-n në Serie B.
Grupi tashmë është aksioner në 11 klube futbolli në mbarë botën: Manchester City (Angli), Girona (Spanjë), ESTAC Troyes (Francë), Palermo (Itali), New York City (SHBA), Melbourne City (Australi), Yokohama Marinos (Japoni), Montevideo City Torque (Uruguai), Sichuan Jiuniu (Kinë), Mumbai City (Indi) dhe Lommel SK (Belgjikë).
/Albanianpost.com
Lajmet kryesore
-
Kurti ndryshe nga Vetëvendosje: “Për 20 vjet nga viktima jemi kthyer në fanar të demokracisë” – kush mendon ndryshe i bën favor Putin-it
-
Meta i gatshëm për çdo datë të zgjedhjeve vendore
-
SHBA-të dhe Koreja e Jugut i përgjigjen raketës koreano-veriore me stërvitje bombarduese ushtarake
-
Kosova e Serbia mund të kenë takim “privat” në OKB
