“Fëmijëria ime nuk ka qenë vetëm shkëlqim dhe privilegje”. Paris Jackson, vajza e Michael Jackson, aktore, modele dhe këngëtare, në një intervistë me Naomi Campbell, në emisionin në YouTube “No Filter”, zbuloi sfondin e asaj që do të thoshte të rriteshe si vajza e mbretit të POP-it.
22-vjeçarja nuk e mohoi që ajo kishte një fëmijëri të privilegjuar, por gjithashtu shpjegoi se babai i saj e mbajti atë me këmbë dhe i mësoi parime të forta të etikës në punë.
Babai im bëri një punë të mirë, duke u siguruar që të kishim një kulturë dhe të ishim të shkolluar.
Jo vetëm shkëlqim, magjepsje dhe hotele me pesë yje
Paris Jackson pohon se ata gjithashtu vizituan vendet e botës së tretë për të parë anën tjetër të realitetit. Ndërsa, më tej shpjegoi se si fëmijë ajo duhej të fitonte atë që dëshironte.
Nëse ne do të donim pesë lodra, duhej të lexonim pesë libra. Ne duhet të fitonim gjëra pa ndier të drejtën t’i kishim ose t’i merrnim.
Kur Michael Jackson vdiq në 2009, Parisi ishte vetëm njëmbëdhjetë. Ajo ka një vëlla, Princin (Michael Joseph Jackson, Jr), 24 vjeç, dhe një gjysmë-vëlla, Princin Michael “Blanket” Jackson II, 19 vjeç.
Paris është fëmija i dytë i këngëtarit dhe vajza e vogël e Deborah Rowe, e njohur ndryshe si “Debbie”. Ajo u rrit vetëm nga babai i saj, i cili e mori atë pas divorcit në 1999, ku Rowe kishte nënshkruar një marrëveshje me Michael Jackson ku i jepte atij të drejtën të rriste dhe mbante fëmijët.
Babai i saj zgjodhi Elizabeth Taylor dhe Macaulay Culkin si kumbarë
Paris Jackson jetoi vitet e para me vëllezërit dhe babanë e saj në Neverland Ranch dhe, më pas, për shkak të gjyqit të babait të saj në 2005 dhe braktisjes pasuese të fermës, ata filluan të zhvendoseshin në shtëpi të ndryshme midis Bahreinit, Las Vegas dhe Los Anxhelos.
Jeta pas vdekjes së Michael Jackson-it
Pasi babai i saj vdiq më 25 qershor 2009, ajo dhe vëllezërit e motrat e saj u vendosën nën kujdesin e gjyshes së tyre, Katherine Jackson dhe u transferuan fillimisht në shtëpinë e familjes, në Encino dhe më vonë në një pallat të ri me vlerë 10 milionë dollarë, në Calabasas, në Kaliforni.
Kauzat e Paris Jackson-it
Paris Jackson është shquar për shumë aktivitete humanitare që ka mbështetur gjatë viteve. Ndërsa dha Çmimet Grammy 2017 dhe MTV Video Music Awards, Paris Jackson foli për Gazsjellësin e Dakota Access dhe disa ngjarje me ndikime racore të ndodhura në Charlottesville, Virginia. Vajza e mbretit të pop-it, për më tepër, është shumë aktive për të përcjellë mesazhe të pozitivitetit të trupit.
Jackson shërben gjithashtu si ambasadore për Fondacionin Elizabeth Taylor AIDS, fondacioni bamirës i ndrikullës së saj të ndjerë, aktores Elizabeth Taylor, e cila punon për të ndihmuar në gjetjen e një kure përfundimtare për HIV/AIDS dhe mbylljen e ciklit të sëmundjes.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Mbreti Charles është në gjendje jo të mirë”, thonë burimet pranë pallatit
-
Jeannie Mai akuzon Jeezy-n për abuzim në familje dhe neglizhencë të fëmijëve mes divorcit të vazhdueshëm
-
Dua Lipa “magjike” në tepihun e kuq të “Time 100”
-
Princi William viziton një shkollë angleze me qëllim të trajtimit të stigmës ndaj shëndetit mendor
Lajmet kryesore
-
Rama për “Corriere”: Ndërhyra për të mbrojtur imazhin e vendit tim
-
Opozita i kërkon Kuvendit anulimin e mbledhjes së Komisionit për Shëndetësinë
-
‘Evropa mund të vdesë’ – Cilat janë propozimet e Macron për ta shpëtuar?
-
Rohde e përmendi Asociacionin, Kurti kërkon mbështetjen e Gjermanisë për anëtarësimin e Kosovës në KiE