Paris Hilton i përgjigjet shqetësimeve të fansave se pse ajo nuk e shfaq akoma vajzën e saj në rrjetet sociale

Personazhi i famshëm Paris Hilton i është përgjigjur fansave të shqetësuar të cilët e pyetën se pse ajo nuk e tregon kurrë vajzën e saj të quajtur London në rrjetet sociale.

Hilton, 43 vjeçe, ka qenë gjithmonë aktive në mediat sociale dhe kjo nuk ndryshoi pasi ajo dhe bashkëshorti Carter Reum mirëpritën në jetë djalin e tyre Phoenix.

Pasi shpërndau një video në TikTok të saj duke luajtur me djalin e saj 1-vjeç, artistja mori një sërë komentesh nga fansat që pyesnin pse ajo nuk e shfaq asnjëherë vajzën London.

@parishilton In my mail room opening up all the random things I ordered on @TikTok ♬ original sound – ParisHilton

“Ku është London?” pyeti një fans, ndërsa një tjetër shkroi: “Phoenix është thjesht i çmuar. Mezi pres derisa të ndihesh mjaftueshëm e sigurt për të na treguar motrën e tij”.

Gjatë fundjavës së Pashkëve, Hilton ndau një sërë fotosh magjepsëse në të cilat ajo dhe Phoenix i vogël festuan festën së bashku.

“Unë dhe ariu im i vogël i Pashkëve”, ka shkruar ajo në kolazhin e fotove, në të cilat kishte veshur një fustan rozë të ndezur nga Rebecca Vallance.

Kur një fans përmendi se mezi prisnin të shihnin London-in në mediat sociale, Reum u përgjigj: “Paris nuk është plotësisht gati ta ndajë atë me botën, por ajo është e adhurueshme dhe duket njësoj si nëna e saj”.

Ai gjithashtu komentoi drejtpërdrejt në foto, “Djali më i lezetshëm më i lumtur dhe nëna më e mirë ndonjëherë”.

Ndërsa është e paqartë pse Hilton nuk ka ndarë ende fotot e vajzës së saj të vogël, muaj më parë nëna e dy fëmijëve u detyrua të mbronte djalin e saj nga komentet negative të Instagramit që kritikuan madhësinë e kokës së tij.

“Nuk mund ta besoja se ata mund të ishin të këqij dhe të egër për një fëmijë të vogël të pafajshëm”, tha Paris aso kohe.

“Mund të thuash çfarë të duash për mua, por ky është engjëlli im i  vogël. Dhe nëse dikush thotë ndonjëherë diçka për ta lënduar atë ose ndjenjat e tij, unë do të jem gjithmonë aty për ta mbrojtur atë”, pati shtuar ajo.

Ylli, e njohur edhe si DJ, tha se ajo zakonisht i injoron mesazhet e urrejtjes që merr, por nuk mund të rrinte duarkryq dhe të mos thoshte asgjë kur fëmija i saj po sulmohej.

“Zakonisht, unë as nuk do ta nderoja diçka të tillë me një përgjigje, por thjesht më ishte thyer zemra që ka njerëz kaq mizorë në botë”, tha Hilton.

Ylli i “This Is Paris” tha më tej se asaj “ndihet keq” për këdo që ndjen nevojën për të ngacmuar një fëmijë.

Reum dhe Hilton u martuan në nëntor të vitit 2021. Dyshja mirëpritën Phoenix-in përmes një gruaje zëvendësuese në janar të vitit 2023.

Në nëntor, Hilton befasoi familjen e saj duke njoftuar se ajo dhe burri i saj mirëpritën fshehurazi fëmijën e tyre të dytë, një vajzë të quajtur London.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.