Paris 2024: Shqipëria vuan për medalje, por Elina Xhengo dërgon Greqinë në finalen e shtizës

Teksa Shqipëria është ende në një pritje të gjatë për një medalje olimpike, por edhe për performanca të larta nga sportistët e saj, një shqiptare ka shkuar në finalen e hedhjes së shtizës në “Paris 2024”, por nën flamurin e Greqisë.

Elina Xhengo, një prej sportisteve më të mira të Greqisë, e cila i ka dhuruar disa herë medalje vendit fqinj të Shqipërisë, ka arritur të kualifikohet në finalen e madhe të shtizës.

Atletja 22-vjeçare me origjinë nga Korça u kualifikua në tentativën e tretë me një gjuajtje prej 63.22 m, e cila ishte performanca e saj më e mirë këtë vit.

Finalja e madhe do të zhvillohet të shtunën, më 10 gusht, në orën 20:35.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.