Paris 2024: Shqipëria i falet Valiev-it për një medalje

Chermen Valiev do të bëjë sot debutimin e tij në Lojërat Olimpike të Parisit nën flamurin kuq e zi.

Rusi, i natyralizuar në shqiptar, do të garojë në disiplinën mundje stil i lirë deri në 74 kilogramë, duke filluar nga ora 11:00.

Në “Champ-de-Mars Arena”, Valiev-i do të përballet në raundin e parë me sportistin azer, Turan Bayramov.

Shqipëria do të ketë një shans të mirë për të arritur një medalje të parë historike me Valiev-in, i cili në vitin 2021 u shpall kampion bote për U-23.

Pas dështimit të Zelimkhan Abakarov-it për të arritur një medalje ditën e djeshme, 8 gusht, Valiev dhe Islam Dudaev, i cili garon nesër më 10 gusht, do të jenë dy shanset e fundit të Shqipërisë për të arritur një medalje në Lojërat e Parisit dhe të parën në përgjithësi.

Sporti shqiptar ka dështuar në gjenezë – shpresa e fundit, në duart e të ‘huajve’

Kujtojmë se Shqipëria dërgoi tetë sporistë në Lojërat Olimpike të Parisit, katër prej të cilëve të kualifikuar dhe katër me ftesë, por rezultatet deri më tani kanë qenë tepër zhgënjyese.

Abakarov në mundje, Luiza Gega dhe Franko Burraj në atletikë, Kaltra Meça dhe Grisi Koxhaku në not, si dhe Manjola Konini në qitje kanë garuar tashmë në “Paris 2024”.

Sporti shqiptar ka dështuar në gjenezë – shpresa e fundit, në duart e të ‘huajve’

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.