Laçi ka marrë një barazim shumë të vlefshëm në udhëtim te skuadra molave, Petrocub, në ndeshjen e parë të raundit të dytë kualifikues në Ligën e Konferencës.
Skuadra e Laçit mbeti me një futbollist më pak në fushë, kur në minutën e 28-të Sebastian Spahiu u ndëshkua me kartonin e dytë të verdhë.
Në vazhdim, skuadra vendase e pati më të lehtë të sulmojë, teksa në pjesën e parë Laçi ishte me fat kur në minutën e 39-të u shpëtuan nga shtylla.
Pjesa e parë përfundoi me porta të paprekura, teksa edhe në të dytën ishte skenar thuajse i njëjtë.
Moldavët patën edhe disa mundësi të mira për të kaluar në epërsi, por portieri Mario Dajsinani bëri disa intervenime shumë të mira për ta mbajtur Laçin ende në lojë.
Një nga rastet e vetme të Laçit erdhi në minutën e 79-të, kur Mazrekaj bëri gjithçka mirë në vijën e 16-metërshit, por goditja e tij shkoi ngjitur me shtyllën.
Ky padyshim që është një rezultat pozitiv i Laçit, të cilët do të kërkojnë kualifikimin në ndeshjen e kthimit pas një jave.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Lobimi serb në OKB kundër rezolutës për Gjenocidin e Srebrenicës, si po e ndihmojnë rusët dhe kinezët?
-
Pa një plan diplomatik për Gazën e pasluftës, Jordania ka frikë se do të detyrohet të njohë Hamasin
-
Kushtëzimi i KiE-së me Asociacionin, Selimi: Kurti s’arriti të ndërtoi një platformë të mirë lobimi, shpërdoroi disa raste
