Paralajmërimi i diplomatit britanik: Kemi ndërmarrë vetëm hapat e para kundër korrupsionit dhe krimit të organizuar

Ambasadori britanik në Shqipëri, Alastair King-Smith ka paralajmëruar se gjatë kësaj jave janë ndërmarrë vetëm hapat e parë.

Kjo, në fuqizimin e demokracisë, llogaridhënien por gjithashtu edhe me luftën kundër korrupsionit dhe krimit të organizuar.

Reagimi i diplomatit britanik ka ardhur pas shpalljes non grata (i padëshiruar) të ish-kryeministrit Sali Berisha.

Ky i fundit, e zbuloi përfshirjen e tij në këtë listë gjatë një konference për shtyp.

Sipas King-Smith, janë ndërmarrë gjithashtu disa veprime lidhur me çështjen e emigrimit për disa persona shqiptarë të cilët kanë lidhje me botën e krimit dhe korrupsionit.

Sa i takon procedurave të përafërta me autoritetet amerikane, ai shtoi se Britania i merr këto vendime merren në mënyrë të pavarur.

Pas Shqipërisë, ambasadori sqaron se kjo masë është specifike për Ballkanin Perëndimor, është për të gjithë rajonin pasi ka probleme në lidhjet mes krimit dhe politikës.

“Ne duhet t’i thyejmë këto lidhje. Ajo çfarë ne do të bëjmë është që të përdorim këtë paketë masash. Ky është vetëm hapi i parë i disa veprimeve që do të ndërmerren. Ne kemi mjete të ndryshme, si për shembull sanksionet kundër korrupsionit, sanksionet financiare dhe ndalimin e emigrimit. Ky është vetëm hapi i parë që po ndërmarrim, ju do të shihni veprime të tjera me kohën”, theksoi Alastair King-Smith.

Diplomati garantoi se Mbretëria e Bashkuar nuk do t’i publikojë emrat e personave ose detajet mbi këto veprime që do të ndërmarrim për arsye ligjore.